الماتى وبلىسىندا جاستار اراسىندا زاڭ تالاپتارىن ساقتاۋ مەدەنيەتٸن قالىپتاستىرۋ جەنە قارجىلىق ساۋاتتىلىقتى ارتتىرۋعا باعىتتالعان «مەنٸڭ تاڭداۋىم — زاڭ جەنە قارجىلىق قاۋٸپسٸزدٸك» اتتى پروفيلاكتيكالىق فورۋم ٶتتٸ. الماتى وبلىسى بويىنشا ەكونوميكالىق تەرگەۋ دەپارتامەنتٸ ۇيىمداستىرعان اۋقىمدى ٸس-شاراعا 500-دەن استام وقۋشى قاتىستى, دەپ حابارلايدى Dalanews.kz.
فورۋم بارىسىندا مەكتەپ وقۋشىلارى قۇقىق بۇزۋشىلىقتىڭ الدىن الۋ مەن قارجىلىق ساۋاتتىلىقتى دامىتۋعا ارنالعان اۆتورلىق جوبالارىن تانىستىردى. سونداي-اق قاتىسۋشىلار ۇلتتىق ويىن — توعىزقۇمالاقتان باق سىناپ, لوگيكالىق ويلاۋ مەن ستراتەگييالىق شەشٸم قابىلداۋ قابٸلەتتەرٸن ۇشتادى.
شارادا جاسٶسپٸرٸمدەر ٷشٸن زاماناۋي قاۋٸپتەر — دروپپەرلٸك, لۋدومانييا جەنە ۆەيپتەردٸڭ تارالۋى سيياقتى ٶزەكتٸ مەسەلەلەر كەڭٸنەن تالقىلاندى. سالا ماماندارى وقۋشىلارعا كٷمەندٸ قارجىلىق وپەراتسييالاردان ساقتانۋ, جەكە كارتا مەلٸمەتتەرٸن بٶگدە ادامدارعا بەرمەۋ جەنە زاڭسىز ۇسىنىستاردان باس تارتۋ جولدارىن تٷسٸندٸردٸ.
فورۋمنىڭ قورىتىندى بٶلٸگٸندە زاڭسىز ويىن اۆتوماتتارى, دروپپەرلٸك كارتالار مەن ۆەيپتەردٸڭ ماكەتتەرٸن جويۋعا ارنالعان سيمۆوليكالىق اكتسييا ۇيىمداستىرىلدى.
ۇيىمداستىرۋشىلاردىڭ ايتۋىنشا, مۇنداي شارالاردىڭ باستى ماقساتى — ٶسٸپ كەلە جاتقان ۇرپاقتى جاۋاپتى شەشٸم قابىلداۋعا باعىتتاۋ جەنە زاڭدى ساقتاۋ ارقىلى قاۋٸپسٸز كەلەشەك قالىپتاستىرۋ.
