Úkimet qaýlysymen Erjan Erboluly Ertaev Qazaqstan Respýblikasynyń energetika vitse-ministri qyzmetine taǵaiyndaldy, dep habarlaidy dalanews.kz.
Úkimettiń baspasóz qyzmetiniń málimetinshe, Erjan Ertaev 1985 jyly Pavlodar oblysynda dúniege kelgen. Innovatsiialyq Eýraziia ýniversiteti men Anhalt qoldanbaly ǵylymdar ýniversitetin támamdaǵan.
Eńbek jolyn 2009 jyly jeke sektorda elektr mehanigi bolyp bastaǵan. Keiin Pavlodar oblysynyń Energetika jáne turǵyn úi-kommýnaldyq sharýashylyq basqarmasynda jetekshi maman jáne bas maman qyzmetterin atqardy.
2013-2014 jyldary Indýstriia jáne jańa tehnologiialar ministrliginiń Memlekettik energetikalyq qadaǵalaý jáne baqylaý komitetinde bas sarapshy, keiin basqarma basshysy boldy.
2015-2018 jyldary Energetika ministrliginiń Aqmola jáne Qaraǵandy oblystaryndaǵy aýmaqtyq departamentterin basqardy. 2018-2020 jyldary ministrlik komiteti tóraǵasynyń orynbasary qyzmetin atqardy.
2020-2021 jyldary Pavlodar oblysynyń Energetika jáne TKSh basqarmasyn basqarsa, keiin "Samuryq-Energo" kompaniiasy basqarma tóraǵasy apparatynyń basshysy boldy.
2022-2023 jyldary "Bolat Nurjanov atyndaǵy Ekibastuz GRES-1" JShS bas direktory qyzmetin atqardy.
Odan keiin Energetika ministrliginiń Atomdyq jáne energetikalyq qadaǵalaý men baqylaý komiteti tóraǵasynyń orynbasary boldy.
2024 jylǵy shildeden bastap jańa qyzmetke taǵaiyndalǵanǵa deiin Energetika ministrliginiń Memlekettik energetikalyq qadaǵalaý jáne baqylaý komitetiniń tóraǵasy qyzmetin atqarǵan.
