Semei qalasynyń Soltústik aýdanynda avtojýý ǵimaratynan órt shyǵyp, jalyn júk kóligi men eki jeke turǵyn úige taraǵan. Órt sóndirýshiler oqiǵa ornynda jumys istep jatyr, dep habarlaidy dalanews.kz.
Órt Sosnovaia kóshesindegi bir qabatty avtojýý ǵimaratynda bolǵan. Tótenshe jaǵdailar ministrliginiń málimetinshe, órt sóndirý bólimsheleri kelgenge deiin gazgolder jarylǵan.
Órttiń júk kóligi men eki jeke turǵyn úidi de sharpyǵany anyqtaldy. Qazirgi ýaqytta órttiń aýmaǵy naqtylanyp jatyr.
«Oqiǵa ornynda úzdiksiz sý berý qamtamasyz etilip, órt sóndirý oqpandary berildi», – dep habarlady TJM.
Órtti sóndirý jumystaryn úilestirý úshin oqiǵa ornynda arnaiy shtab quryldy. TJM kúshteri men quraldary joǵary rang boiynsha jumyldyrylǵan.
Aldyn ala málimet boiynsha, zardap shekkender týraly aqparat túspegen. Órt sóndirýshiler jalyndy tolyq sóndirý jumystaryn jalǵastyryp jatyr.
