سەمەي قالاسىنىڭ سولتٷستٸك اۋدانىندا اۆتوجۋۋ عيماراتىنان ٶرت شىعىپ, جالىن جٷك كٶلٸگٸ مەن ەكٸ جەكە تۇرعىن ٷيگە تاراعان. ٶرت سٶندٸرۋشٸلەر وقيعا ورنىندا جۇمىس ٸستەپ جاتىر, دەپ حابارلايدى dalanews.kz.
ٶرت سوسنوۆايا كٶشەسٸندەگٸ بٸر قاباتتى اۆتوجۋۋ عيماراتىندا بولعان. تٶتەنشە جاعدايلار مينيسترلٸگٸنٸڭ مەلٸمەتٸنشە, ٶرت سٶندٸرۋ بٶلٸمشەلەرٸ كەلگەنگە دەيٸن گازگولدەر جارىلعان.
ٶرتتٸڭ جٷك كٶلٸگٸ مەن ەكٸ جەكە تۇرعىن ٷيدٸ دە شارپىعانى انىقتالدى. قازٸرگٸ ۋاقىتتا ٶرتتٸڭ اۋماعى ناقتىلانىپ جاتىر.
«وقيعا ورنىندا ٷزدٸكسٸز سۋ بەرۋ قامتاماسىز ەتٸلٸپ, ٶرت سٶندٸرۋ وقپاندارى بەرٸلدٸ», – دەپ حابارلادى تجم.
ٶرتتٸ سٶندٸرۋ جۇمىستارىن ٷيلەستٸرۋ ٷشٸن وقيعا ورنىندا ارنايى شتاب قۇرىلدى. تجم كٷشتەرٸ مەن قۇرالدارى جوعارى رانگ بويىنشا جۇمىلدىرىلعان.
الدىن الا مەلٸمەت بويىنشا, زارداپ شەككەندەر تۋرالى اقپارات تٷسپەگەن. ٶرت سٶندٸرۋشٸلەر جالىندى تولىق سٶندٸرۋ جۇمىستارىن جالعاستىرىپ جاتىر.
