Almaty oblysynyń prokýratýrasy jer qatynastary salasynda júrgizgen keshendi taldaý nátijesinde jergilikti atqarýshy organdardyń jalǵan sheshimderin paidalaný arqyly zań buzýshylyqtaryn anyqtady, dep habarlaidy Dalanews.kz.
Atap aitqanda, Qarasai aýdanynda jalpy aýdany 5 ga bolatyn aýyl sharýashylyǵyna arnalǵan jerlerdiń nysanaly maqsatynyń ákimdiktiń jalǵan sheshimderiniń negizinde zańsyz ózgertilgeni belgili boldy. Keiinnen atalǵan jer 83 jeke jer ýchaskesine bólingen.
Prokýratýranyń talabymen Qarasai aýdandyq sotynyń sheshimimen jergilikti atqarýshy organdardyń jalǵan sheshimderi zańsyz dep tanylyp, kúshi joiylyp, nátijesinde memlekettiń múddesi qorǵaldy.
Osyǵan uqsas jaǵdai Ile aýdanynda da anyqtalyp, onda jeke turǵyn úi qurylysy úshin jer ýchaskesin berý týraly ákimniń sheshimi jalǵan bolyp shyqqan.
Prokýrorlyq qadaǵalaý sharalarynyń negizinde sottyń sheshimimen jer ýchaskesi memleket menshigine qaitaryldy.
Atalǵan faktiler boiynsha prokýratýranyń úilestirýimen politsiia basqarmasy QR QK-niń 385-babynyń 3-bóliginde (jalǵan qujattardy jasaý jáne ótkizý) kózdelgen quqyqbuzýshylyq belgileri boiynsha qylmystyq is tirkeldi.
Qazirgi ýaqytta istiń barlyq mán-jailaryn jan-jaqty ári obektivti anyqtaýǵa baǵyttalǵan tergeý áreketteri júrgizilýde.
QR QPK-niń 201-baby 1-bóligine sáikes sotqa deiingi tergep-tekserý derekteri jariia etilmeidi.
