Premer-mınıstr Oljas Bektenov sheteldik ınvestısıalar tartý máselesi boıynsha keńes ótkizdi, dep habarlaıdy Dalanews.kz.

Keńeske Bas prokýror Berik Asylov, Úkimet basshylyǵy, mınıstrler, óńir ákimderi, "Samuryq-Qazyna" UÁQ, "Báıterek UIH, Kazakh Invest UK, "Atameken UKP basshylyǵy qatysty.

"Árbir sheteldik nemese qazaqstandyq ınvestor óz múddesi qorǵalǵanyna, daý ádil túrde sheshiletinine, al memlekettik ınstıtýttar ashyq erejeler sheńberinde áreket etetinine senimdi bolýǵa tıis. Kóptegen máseleniń túp-tamyry búrokratıada jáne jergilikti jerlerdegi prosester sozbalańǵa salynýynda jatyr. Ekonomıkamyzǵa ınvestısıa salýǵa daıyn ınvestordyń birneshe aı boıy qarapaıym tehnıkalyq sharttardy nemese jerge quqyq belgileıtin qujattardy ala almaýyna jol berilmeıdi. Bul - el ekonomıkasy úshin tikeleı shyǵyn", - dedi Oljas Bektenov.

Premer-mınıstr Kazakh Invest UK jáne ákimdikter qyzmetin kemshilikteri, maquldanǵan jobalardy júzege asyrýǵa kedergi keltirgeni úshin synǵa aldy. Búginde óńirlerge júzege asyrýǵa usynylǵan 25 jobanyń úsheýi ǵana belsendi iske asyrylyp jatyr.

Kazakh Invest UK AQ basqarma tóraǵasy Sultanǵalı Kenjequlovqa eskertý jasaldy.