Konstitýtsiialyq komissiianyń tórtinshi otyrysynda usynylyp otyrǵan negizgi ózgerister jariia etildi. Túzetýlerdiń mazmunyn Konstitýtsiialyq sot tóraǵasynyń orynbasary Baqyt Nurmuhanov tanystyrdy, dep habarlaidy Dalanews.kz.
Onyń aitýynsha, josparlanǵan ózgerister Qazaqstan Konstitýtsiiasy mátininiń basym bóligin qamtidy. Atap aitqanda, Negizgi zańnyń 84 paiyzyna túzetý engizý kózdelgen. Qujatqa «Halyq keńesi» jáne «Konstitýtsiiaǵa ózgerister men tolyqtyrýlar engizý» atty eki jańa bólim qosylady. Sonymen qatar qazirgi qoldanystaǵy tórt bólimniń ataýy jańartylady.
Konstitýtsiianyń preambýlasy da tolyqtai qaita jazylmaq. Jańa redaktsiiada Qazaqstan adamdy, onyń ómirin, quqyqtary men bostandyqtaryn eń joǵary qundylyq retinde moiyndaityn demokratiialyq, zaiyrly, quqyqtyq ári áleýmettik memleket retinde aiqyndalady.
Usynylǵan túzetýlerde otbasylyq qundylyqtardy saqtaý, azamattardyń quqyqtary men bostandyqtaryn qorǵaý tetikterin kúsheitýge erekshe mán berilgen. Atap aitqanda, adam ómiriniń ústem qundylyq ekeni, jeke derekterdi qorǵaý, jeke tulǵanyń qol suǵylmaýy, áleýmettik qoldaýdy arttyrý jáne quqyqtyq aiqyndyq qaǵidattary konstitýtsiialyq deńgeide bekitiledi.
Sonymen qatar Qazaqstannyń Halyq keńesi búkil halyqtyń múddesin bildiretin ókildi organ retinde belgilenbek. Quryltaidyń sessiialaryn ótkizý men onyń qyzmetin uiymdastyrýǵa qatysty normalar qaita qaralady. Zań jobalaryn usyný quqyǵy bar bastamashylardyń tizimi keńeiip, zańmen retteletin qoǵamdyq qatynastar aiasy ulǵaiady. Halyq keńesine zań shyǵarý bastamasy quqyǵyn berý usynylyp otyr.
Budan bólek, jedel ekonomikalyq damý aimaqtary úshin arnaiy quqyqtyq rejim engizý máselesi qarastyrylýda. Bul norma «Astana» halyqaralyq qarjy ortalyǵy men Alataý qalasyna qatysty bolmaq. Degenmen usynys el ekonomikasyn yntalandyrýǵa baǵyttalǵanymen, memlekettiń ýnitarlyq sipaty, aýmaqtyq tutastyǵy, qol suǵylmaýy jáne bólinbeitindigi týraly negizgi qaǵidattar ózgerissiz qalatyny atap ótildi.
Eske salaiyq, buǵan deiin sarapshylar Konstitýtsiiadaǵy jańa usynystardy synǵa alǵan edi.
