Almatynyń «Qairat» klýby men Qazaqstan ulttyq quramasynyń qaqpashysy Temirlan Anarbekov komandasymen jańa kelisimshartqa qol qoidy, dep habarlaidy Dalanews.kz.
22 jastaǵy qazaqstandyq qaqpashy «Qairatpen» 2028 jyldyń qarasha aiyna deiin eseptelgen jańa kelisim jasasty. Osylaisha, Eýropa klýbtaryna aýysýy múmkin degen qaýesetterge qaramastan, Anarbekov mansabyn Almatyda jalǵastyratyn boldy.
Maýsym basynda Temirlan «Qairatta» negizgi quramda bolmaǵan. Alaida negizgi qaqpashy Aleksandr Zarýtskii jaraqat alǵannan keiin alańǵa shyǵyp, ózin tolyqtai dáleldei aldy.
Buǵan deiin "Qairat" fýtbol klýbynyń qaqpashysy Temirlan Anarbekov Chempiondar ligasy oiynshylary reitinginde kósh bastaǵan bolatyn.
ÝEFA Chempiondar ligasynyń 2025/26 maýsymyndaǵy toptyq kezeńniń altynshy týrynan keiin «Qairat» qaqpashysy Temirlan Anarbekov fýtbol álemin tańǵaldyrdy.
SofaScore portaly jariialaǵan eń joǵary kórsetkish jinaǵan oiynshylar reitinginde qazaqstandyq qaqpashy Kilian Mbappeden ozyp tústi:
Anarbekov — 8,9
Mbappe — 8,34
