2025 jyldan bastap Halyqaralyq Araldy qutqarý qorynyń Atqarýshy komiteti (HAQQ AK) Syrdariia ózeni basseininde sý resýrstaryn tiimdi paidalanýǵa baǵyttalǵan jańa jobany júzege asyryp jatyr. Joba qashyqtyqtan zondtaý derekteri men zamanaýi spýtniktik kartografiialaý tehnologiialaryn qoldaný arqyly aýyl sharýashylyǵy daqyldarynyń sý tutyný normalary men sýarý rejimderin naqtylaýdy kózdeidi, dep habarlaidy Dalanews.kz.
Joba Frantsýz damý agenttiginiń (AFD) granttyq qoldaýymen iske asyrylýda jáne eki jylǵa josparlanǵan. Nátijesinde negizgi aýyl sharýashylyǵy daqyldary boiynsha ǵylymi negizdelgen, jańartylǵan sý tutyný normalary ázirlenip, sý resýrstaryn uzaq merzimdi josparlaýǵa arnalǵan zamanaýi analitikalyq baza qalyptastyrý kózdelgen. Bul jerdiń tuzdanýy men tozýy táýekelderin azaitýǵa da yqpal etpek.
Ǵylymi-zertteý jáne saraptamalyq jumystardy júrgizýge Qazaq sý sharýashylyǵy ǵylymi-zertteý institýty (QazSShǴZI) men Sý sharýashylyǵyn memleketaralyq úilestirý komissiiasynyń ǵylymi-aqparattyq ortalyǵy (SShMÚK ǴAO) tartylǵan. Jinalǵan materialdar klimattyń ózgerý jaǵdaiyn eskere otyryp, memlekettik organdarǵa, ǵylymi uiymdarǵa jáne sala mamandaryna usynylady.
Joba Qazaqstan men Ózbekstandaǵy 1,7 million gektardan astam sýarmaly jerdi qamtidy. Atap aitqanda, Qazaqstannyń Túrkistan jáne Qyzylorda oblystary, sondai-aq Ózbekstannyń Ferǵana alqabyndaǵy Ándijan, Namanǵan jáne Ferǵana oblystary zertteý aýmaǵyna engen. Osy óńirlerde klimat, topyraq, jer asty sýlary jáne aýyl sharýashylyǵy jerleriniń jaǵdaiy boiynsha derekter jinaqtalyp, jańartylady.
2026 jylǵy 27 qańtarda Shymkent qalasynda jobany iske asyrýdyń alǵashqy jylynyń qorytyndysyna arnalǵan alǵashqy aimaqtyq seminar ótti. Onda gidromodýldik aýdandastyrýǵa qatysty aldyn ala materialdar men dalalyq zertteýlerdiń nátijeleri usynylyp, tájiribe almasý júrgizildi.
Joba aiasynda barlyǵy úsh aimaqtyq seminar ótkizý josparlanǵan. Kelesi kezdesýler Qyzylorda men Tashkent qalalarynda ótedi. Bul is-sharalarda zertteýdiń naqtylanǵan qorytyndylary men usynystaryn ulttyq jáne memleketaralyq sý resýrstaryn basqarý tájiribesine engizý joldary talqylanbaq.
Sarapshylardyń pikirinshe, joba aimaqta sý qaýipsizdigin nyǵaitýǵa jáne Ortalyq Aziia elderiniń turaqty damýyn qamtamasyz etýge mańyzdy úles qosady.
