Memleket basshysy Qasym-Jomart Toqaev Qarjylyq monitoring agenttiginde jiyn ótkizdi, dep habarlaidy Dalanews.kz.
Qasym-Jomart Toqaev zańdy tulǵalardyń kúmándi tabystardy zańdastyrýyna qatysty jazany kúsheitýdi tapsyrdy.
"Esirtki biznesimen kúresti kúsheitý qajet. Ókinishke qarai, qazir esirtki saýdasynan túsken tabysty tekserý jumysynyń tiimdiligi tómen. Qylmyskerlerdiń zańsyz jolmen tapqan jeke múlkimen qatar, basqa adamdardyń atyna rásimdegen múlki de memleketke qaitarylýǵa tiis. Qysqasy, qylmystyq jolmen iemdengen múliktiń bárin tárkileý máselesin muqiiat pysyqtaǵan jón. Zańdy tulǵalardyń kúmándi tabystardy zańdastyrýyna qatysty jazany kúsheitý kerek. Bul qadam halyqaralyq standarttarǵa tolyq sai keledi", – dedi Memleket basshysy.Prezidenttiń sózinshe, Qarjy naryǵyn retteý jáne damytý agenttigimen jáne Ulttyq bankpen birge kommertsiialyq bankterdiń zańsyz, kúmándi operatsiialaryna baqylaýdy kúsheitý qajet.
"Jaqynda tóraǵa Elimanov qazaqstandyq bankterdiń biri arqyly byltyr kórshiles elden basqa memleketterge 7 trillion teńgeden astam qarjy "jóneltilgeni" týraly baiandady. Meniń oiymsha, bul zańǵa, ekonomikaǵa, tipti saiasatqa qaishy keletin ersi jaǵdai. Ókinishke qarai, mundai alaiaqtyq qarjy shemalaryna qatysty faktiler azaimai tur. Osyǵan deiin aitqanymdai, bul kesel áleýmettik salany da jailady. Memleket qarjysyn jymqyrýshylardyń zańdy belden basqan qomaǵai áreketi esh aqylǵa syimaidy", – dedi Qasym-Jomart Toqaev.
