Polsha Respýblikasynyń aýmaǵynda buǵan deiin tutqyndalǵan Qazaqstan azamaty biyl 28 sáýirde bostandyqqa shyqqany belgili boldy. Bul týraly Prezidenttiń keńesshisi - baspasóz hatshysy Aibek Smadiiarov málimdedi, dep habarlaidy Dalanews.kz.
"Mundai nátijege Qasym-Jomart Toqaevtyń Qazaqstan azamattaryn, sonyń ishinde sheteldegi otandastarymyzdyń quqyǵy men múddesin dáiekti túrde qorǵaýynyń arqasynda qol jetkizildi.
Memleket basshysy taiaýda Belarýs Prezidenti Aleksandr Lýkashenkomen telefon arqyly sóilesip, kúrdeli jaǵdai kezinde eki el konstrýktivti turǵydan yntymaqtasa áreket etkeni úshin rizashylyǵyn bildirdi.
Sonymen qatar Qazaqstan Prezidenti ońtaily nátijege qol jetkizýge yqpal etken Resei Prezidenti Vladimir Pýtinge de alǵys aitý oryndy dep sanaidy.
Memleket basshysy Polsha Prezidenti Karol Navrotskii men Premer-ministr Donald Týskke Polsha tarapy oryn alǵan jaǵdaiǵa bailanysty baiypty sheshim qabyldaǵany úshin rizashylyǵyn bildirip, hat joldamaq", - dep jazylǵan habarlamada.
Buǵan deiin BAQ-ta áskeri attasheniń apparat qyzmetkeri ustalǵany týraly aqparat tarady. Ol Polshada tyńshylyq jasaǵany úshin ustalǵany aityldy.
