پولشا رەسپۋبليكاسىنىڭ اۋماعىندا بۇعان دەيىن تۇتقىندالعان قازاقستان ازاماتى بيىل 28 ساۋىردە بوستاندىققا شىققانى بەلگىلى بولدى. بۇل تۋرالى پرەزيدەنتتىڭ كەڭەسشىسى - باسپا ءسوز حاتشىسى ايبەك سمادياروۆ مالىمدەدى، دەپ حابارلايدى Dalanews.kz.
"مۇنداي ناتيجەگە قاسىم-جومارت توقايەۆتىڭ قازاقستان ازاماتتارىن، سونىڭ ىشىندە شەتەلدەگى وتانداستارىمىزدىڭ قۇقىعى مەن مۇددەسىن دايەكتى تۇردە قورعاۋىنىڭ ارقاسىندا قول جەتكىزىلدى.
مەملەكەت باسشىسى تاياۋدا بەلارۋس پرەزيدەنتى الەكساندر لۋكاشەنكومەن تەلەفون ارقىلى سويلەسىپ، كۇردەلى جاعداي كەزىندە ەكى ەل كونسترۋكتيۆتى تۇرعىدان ىنتىماقتاسا ارەكەت ەتكەنى ءۇشىن ريزاشىلىعىن ءبىلدىردى.
سونىمەن قاتار قازاقستان پرەزيدەنتى وڭتايلى ناتيجەگە قول جەتكىزۋگە ىقپال ەتكەن رەسەي پرەزيدەنتى ۆلاديمير پۋتينگە دە العىس ايتۋ ورىندى دەپ سانايدى.
مەملەكەت باسشىسى پولشا پرەزيدەنتى كارول ناۆروسكيي مەن پرەمەر-مينيستر دونالد تۋسككە پولشا تاراپى ورىن العان جاعدايعا بايلانىستى بايىپتى شەشىم قابىلداعانى ءۇشىن ريزاشىلىعىن ءبىلدىرىپ، حات جولداماق"، - دەپ جازىلعان حابارلامادا.
بۇعان دەيىن باق-تا اسكەري اتتاشەنىڭ اپپارات قىزمەتكەرى ۇستالعانى تۋرالى اقپارات تارادى. ول پولشادا تىڭشىلىق جاساعانى ءۇشىن ۇستالعانى ايتىلدى.
