"Teńiz" bir aptada tolyq iske qosylady, bul týraly Energetika ministri Erlan Aqkenjenov málimdedi, dep habarlaidy Dalanews.kz.
Ministrdiń aitýynsha, qazirgi tańda Teńiz ken ornynda munai óndirý kezeń-kezeńimen qalpyna keltirilip jatyr. Buǵan deiin ken ornyndaǵy 30 transformatordyń úsheýi isten shyǵyp, óndiris toqtaǵan bolatyn.
«Teńizdi eki kún buryn iske qostyq. Qazir óndiris birtindep kóterilip keledi. Bul – kúrdeli tehnologiialyq protsess. Úsh transformator janyp ketken edi, olar asa mańyzdy jabdyq. Qazir olardyń bir bóliginiń jumysy qalpyna keltirildi. Alǵashqy gaz shyqty. Bir apta ishinde búkil Teńiz tolyq iske qosylady», – dedi Erlan Aqkenjenov Májilis kýlýarynda.
Zalal kólemine qatysty naqty derek jóndeý jumystary tolyq aiaqtalǵan soń belgili bolady. Alaida ministr bul jaǵdaidy tikelei shyǵyn retinde qarastyrýǵa bolmaitynyn atap ótti.
«Chevron jáne Tengizchevroil basshylyǵymen kelissóz júrgizdik. Olar joǵalǵan kólemdi keiin tolyq óteýge ýáde berdi. Sondyqtan jyldyq kórsetkish boiynsha respýblika eshteńe joǵaltpaidy dep kútip otyrmyz», – dedi ol.
Eske salaiyq, 18 qańtarda Teńiz ken ornynda órt shyǵyp, óndiris ýaqytsha toqtaǵan edi. 26 qańtarda munai óndirý qaita jandandy.
