Ishki ister ministrligi zańsyz kóshi-qon arnasyn toqtatty, dep habarlaidy Dalanews.kz.
22 qańtarda Pavlodar oblysynda kriminaldyq politsiia qyzmetkerleri Qazaqstan azamattary men jaqyn shet elderdiń azamattaryn ustady. Olar syiaqy úshin Qazaqstan aýmaǵy arqyly memlekettik shekarany zańsyz kesip ótý shemasyn uiymdastyrǵan.
"26 qańtarda Soltústik Qazaqstan oblysynda respýblikadan shyǵarylyp, elge kirýge tyiym salynǵan sheteldik ustaldy. Ol bóten familiiamen elge qaita kirgen. Sol kúni Aqmola oblysynyń Qosshy qalasynda jalǵan qujattar jasaý arqyly shetel azamattarynyń Qazaqstanǵa kirýin uiymdastyrǵan top ustaldy. Kúdiktilerden kólikter, qarda júretin tehnika, sheteldik pasporttar, flesh-kartalar, meditsinalyq mekemelerdiń mórleri tárkilendi. Negizgi uiymdastyrýshylar sot sanktsiiasymen qamaýǵa alyndy", - dedi IIM ókili.
Bul derekter boiynsha Qazaqstan Respýblikasy Qylmystyq kodeksiniń 392-baby jáne 394-baby boiynsha sotaldy tergep-tekserý júrgizilip jatyr.
