Shymkentte 2 myńǵa jýyq jumysshynyń jalaqy qaryzy óteldi
Basqarma basshysy esepti kezeńde biryńǵai aqparat ortalyǵy arqyly eńbek qatynastary, óndiristik qaýipsizdik salasyna qatysty 23 habarlama túsip, barlyǵy merziminde oryndalǵan. Sonymen birge osy ýaqyt ishinde jalpy 584 aryz-shaǵymdar men túsindirme berý jóninde ótinishter qaralyp, tiisti jaýaptar berilgen.
«Memlekettik eńbek inspektorlarymen 104 tekserý júrgizilip, 182 zań buzýshylyq anyqtalyp, 68 nusqama berilgen. Tekserý nátijelerimen 4,5 mln. teńge kóleminde 25 ákimshilik aiyppul salynyp, 21 qozǵalǵan ákimshilik is boiynsha 2,9 mln. teńge aiyppul óndirilgen. Birqatary merzimi kelmeýine bailanysty baqylaýda»,-dedi B.Qaljanov.
Esepti kezeńde óńirimiz boiynsha 5 kásiporynda 90 jumyskerge 15 mln. teńge jalaqy qaryzy bar ekenin baiandaǵan basqarma basshysy bul boiynsha tiisti jumystar júrgizilip jatqanyn atap ótti.
Odan bólek, Basqarmanyń memlekettik eńbek inspektorymen atqarylǵan jumystar nátijesinde jyl basynan beri 35 kásiporyndaǵy 1960 jumyskerdiń 166,5 mln. teńge kóleminde jalaqy qaryzdary ótelip, jumyskerlerdiń áleýmettik quqyqtary qorǵalǵan.
Eńbek inspektsiiasy basqarmasynyń alty aida atqarǵan jumystaryn tyńdaǵan qala ákimi indikatorlardyń oryndalýyn qadaǵalaýdy tapsyrdy. Árbir eńbek etýshi óziniń qorǵaýshysy bar ekenin sezinýi úshin basqarmanyń statýsymen, tanymaldylyǵyn arttyrý qajet ekenin nazarǵa aldy.
«Eńbegi qorǵalmaǵan adam kimge shaǵymdanatynyn bilýi kerek. Shaǵym sheshimin taýyp jatýy tiis. Bul protses jarnamalanyp otyrýy kerek. Qysqasha, halyq bul basqarmany tanýy qajet. Iaǵni, meje belgili bolmai, kez kelgen jumysta júie bolmaidy»,-dedi ákim.
Eńbekti qorǵaýda halyqaralyq tájiribelerdi zerdelep, oń úrdisterin bizde qoldaný boiynsha qala ákiminiń bergen tapsyrmasyna sáikes Eýroodaq, AQSh, Japoniia elderiniń tájiribeleri zerdelenipti.
Osynyń negizinde jumysshylardyń eńbek quqyqtaryn qamtamasyz etýge baǵyttalǵan barlyq habarlamalardy eskerý boiynsha joba iske qosyldy. Uqsas joba AQSh - da tiimdi iske asyrylyp keledi. Osy maqsatta Memlekettik eńbek inspektsiiasy basqarmasy jáne Shymkent qalasynyń sitýatsiialyq ortalyǵynyń arasynda memorandým túzildi. Memorandým túzilgennen keiin Sitýatsiialyq ortalyqtan 7 habarlama tústi, onyń úsheýi anonim.
Bul baǵyttaǵy jumystar jalǵasyn tabatyn bolady.
