Ótken jyly aqynnyń 175 jyldyq mereitoiy keń kólemde atap ótildi. Alaida, koronavirýstyq pandemiiaǵa bailanysty kóptegen is-sharalar onlain formatta ótkizildi.
Biyl karantindik shekteýlerge qaramastan, barlyq sanitarlyq normalardy saqtai otyryp, oblys ákimi Danial Ahmetov, Abaitanýshy, jazýshylar, aqyndar men qoǵam qairatkerleri Óskemendegi Abai eskertkishine gúl shoqtaryn qoiý rásimine qatysty.
Áleýmettik jelilerde adamdar Abai Qunanbaevtyń óleńderin oqyp, kúilerin oryndady, aqynnyń qazaq mádenietiniń damýyna qosqan úlesi týraly óz oilarymen bólisti.
Memleket Basshysy Qasym-Jomart Toqaev óziniń «Abai – rýhani reformator» atty maqalasynda Abai – ultymyz ben jurtymyzdy tanýdyń tóte joly dep atap ótken bolatyn. «Abaidyń sózderi eshqashan eskirmeidi. Olar bizdiń planetamyzdaǵy Abai ónegesiniń quny dáýir almasqan saiyn artpasa, kemimeidi. Ol barshaǵa túsinikti ári kúlli adamzatqa ortaq. Onyń qara óleń bolyp órilgen jáne qara sóz bolyp tógilgen oralymdy oilary áli kúnge deiin ómirlik baǵdar bolyp keledi.
Ultynyń bolashaǵy úshin qam jegen uly oishyl kúlli jurtshylyqty da mahabbat pen meiirimge úndedi. Aqynnyń osyndai adamgershilik qaǵidattary elimizdiń búgingi urpaqtary úshin de asa qajet.
Memleket táýelsizdik jaǵdaiynda ulttyq sanany qaita jańǵyrtýǵa jáne jahandaný ózgeristerine beiimdeýge jalpyulttyq turǵydan basymdyq berip otyr.
Uly danyshpan eldik múddeni árdaiym joǵary qoiýǵa, alǵan bilim men tájiribeni halyq igiligine jumsaýǵa shaqyrdy. Búkil adamzat úshin damý úrdisin osyndai ustanym arqyly uǵyný árdaiym mańyzdy bolmaq.
Abai – bizdiń ultymyz ben jurtymyzdy tanýdyń tóte joly. Uly aqyn bizge mazmundyq turǵydan ólsheýsiz, halyqtyń rýhani azyǵyna ainalǵan mura qaldyrdy. HHI ǵasyrǵa qadam bas¬saq ta, Abaidyń kózqarasy zamanaýi izgilik qaǵidattaryna jáne Qazaqstan qoǵamynyń basty qundylyqtaryna, onyń birligi men berekesine tolyqtai sai ke-letindigine taǵy da bir márte kóz jetkizemiz.
Uly danyshpan ulttyń rýhani mádeni, adami bet-beinesin asqan kóregendikpen sipattaǵan. Onyń ulylyǵy da osynda.
Abaidyń danalyq sózderi qazaq halqynyń altyn tuǵyry, túp negizimizge úńilip, ulttyq ustynymyzdy izdegen kóptegen urpaqtyń basyn biriktiretin máńgilik rýhani tirek bolyp qala bermek» – dedi Prezident.
Búginde Abaidyń týǵan kúni tek elimiz boiynsha ǵana emes, basqa elderde de atalyp ótýde.
Atap aitsaq, Abai kúnine arnalǵan merekelik shara Ózbekstanda ótti. Munda "Uly Abaidyń shyǵarmashylyǵy" atty kitap-illiýstratsiialyq kórme uiymdastyryldy. "Qazaqstan Respýblikasynyń Ózbekstandaǵy Elshiligi oqyrmandarǵa "Qara sóz" (Qara sóz) týyndysynyń ózbek tiline aýdarmasyn usyndy.
Abaidy Vetnam elinde de qurmet tutatynyn jaqsy bilemiz. Munda shilde aiynyń ortasynda Abaidy vetnam tilinde sóiletken aýdarmashylar tobynyń jetekshisi – Doan Zan Ngiepke eki halyq arasyndaǵy mádeni bailanystardy damytýǵa qosqan úlesi úshin QR Prezidenti Qasym-Jomart Toqaevtyń Alǵys hatyn tapsyrý rásimi ótken bolatyn.
