وتكەن جىلى اقىننىڭ 175 جىلدىق مەرەيتويى كەڭ كولەمدە اتاپ ءوتىلدى. الايدا، كوروناۆيرۋستىق پاندەمياعا بايلانىستى كوپتەگەن ءىس-شارالار ونلاين فورماتتا وتكىزىلدى.
بيىل كارانتيندىك شەكتەۋلەرگە قاراماستان، بارلىق سانيتارلىق نورمالاردى ساقتاي وتىرىپ، وبلىس اكىمى دانيال احمەتوۆ، ابايتانۋشى، جازۋشىلار، اقىندار مەن قوعام قايراتكەرلەرى وسكەمەندەگى اباي ەسكەرتكىشىنە گۇل شوقتارىن قويۋ راسىمىنە قاتىستى.
الەۋمەتتىك جەلىلەردە ادامدار اباي قۇنانبايەۆتىڭ ولەڭدەرىن وقىپ، كۇيلەرىن ورىندادى، اقىننىڭ قازاق مادەنيەتىنىڭ دامۋىنا قوسقان ۇلەسى تۋرالى ءوز ويلارىمەن ءبولىستى.
مەملەكەت باسشىسى قاسىم-جومارت توقايەۆ ءوزىنىڭ «اباي – رۋحاني رەفورماتور» اتتى ماقالاسىندا اباي – ۇلتىمىز بەن جۇرتىمىزدى تانۋدىڭ توتە جولى دەپ اتاپ وتكەن بولاتىن. «ابايدىڭ سوزدەرى ەشقاشان ەسكىرمەيدى. ولار ءبىزدىڭ پلانەتامىزداعى اباي ونەگەسىنىڭ قۇنى ءداۋىر الماسقان سايىن ارتپاسا، كەمىمەيدى. ول بارشاعا تۇسىنىكتى ءارى كۇللى ادامزاتقا ورتاق. ونىڭ قارا ولەڭ بولىپ ورىلگەن جانە قارا ءسوز بولىپ توگىلگەن ورالىمدى ويلارى ءالى كۇنگە دەيىن ومىرلىك باعدار بولىپ كەلەدى.
ۇلتىنىڭ بولاشاعى ءۇشىن قام جەگەن ۇلى ويشىل كۇللى جۇرتشىلىقتى دا ماحاببات پەن مەيىرىمگە ۇندەدى. اقىننىڭ وسىنداي ادامگەرشىلىك قاعيداتتارى ەلىمىزدىڭ بۇگىنگى ۇرپاقتارى ءۇشىن دە اسا قاجەت.
مەملەكەت تاۋەلسىزدىك جاعدايىندا ۇلتتىق سانانى قايتا جاڭعىرتۋعا جانە جاھاندانۋ وزگەرىستەرىنە بەيىمدەۋگە جالپىۇلتتىق تۇرعىدان باسىمدىق بەرىپ وتىر.
ۇلى دانىشپان ەلدىك مۇددەنى ءاردايىم جوعارى قويۋعا، العان ءبىلىم مەن تاجىريبەنى حالىق يگىلىگىنە جۇمساۋعا شاقىردى. بۇكىل ادامزات ءۇشىن دامۋ ءۇردىسىن وسىنداي ۇستانىم ارقىلى ۇعىنۋ ءاردايىم ماڭىزدى بولماق.
اباي – ءبىزدىڭ ۇلتىمىز بەن جۇرتىمىزدى تانۋدىڭ توتە جولى. ۇلى اقىن بىزگە مازمۇندىق تۇرعىدان ولشەۋسىز، حالىقتىڭ رۋحاني ازىعىنا اينالعان مۇرا قالدىردى. ءححى عاسىرعا قادام باس¬ساق تا، ابايدىڭ كوزقاراسى زاماناۋي ىزگىلىك قاعيداتتارىنا جانە قازاقستان قوعامىنىڭ باستى قۇندىلىقتارىنا، ونىڭ بىرلىگى مەن بەرەكەسىنە تولىقتاي ساي كە-لەتىندىگىنە تاعى دا ءبىر مارتە كوز جەتكىزەمىز.
![](/uploads/images/20240127194709363.jpeg)
ۇلى دانىشپان ۇلتتىڭ رۋحاني مادەني، ادامي بەت-بەينەسىن اسقان كورەگەندىكپەن سيپاتتاعان. ونىڭ ۇلىلىعى دا وسىندا.
ابايدىڭ دانالىق سوزدەرى قازاق حالقىنىڭ التىن تۇعىرى، ءتۇپ نەگىزىمىزگە ءۇڭىلىپ، ۇلتتىق ۇستىنىمىزدى ىزدەگەن كوپتەگەن ۇرپاقتىڭ باسىن بىرىكتىرەتىن ماڭگىلىك رۋحاني تىرەك بولىپ قالا بەرمەك» – دەدى پرەزيدەنت.
بۇگىندە ابايدىڭ تۋعان كۇنى تەك ەلىمىز بويىنشا عانا ەمەس، باسقا ەلدەردە دە اتالىپ وتۋدە.
اتاپ ايتساق، اباي كۇنىنە ارنالعان مەرەكەلىك شارا وزبەكستاندا ءوتتى. مۇندا "ۇلى ابايدىڭ شىعارماشىلىعى" اتتى كىتاپ-يلليۋستراسيالىق كورمە ۇيىمداستىرىلدى. "قازاقستان رەسپۋبليكاسىنىڭ وزبەكستانداعى ەلشىلىگى وقىرماندارعا "قارا ءسوز" (قارا ءسوز) تۋىندىسىنىڭ وزبەك تىلىنە اۋدارماسىن ۇسىندى.
ابايدى ۆەتنام ەلىندە دە قۇرمەت تۇتاتىنىن جاقسى بىلەمىز. مۇندا شىلدە ايىنىڭ ورتاسىندا ابايدى ۆەتنام تىلىندە سويلەتكەن اۋدارماشىلار توبىنىڭ جەتەكشىسى – دوان زان نگيەپكە ەكى حالىق اراسىنداعى مادەني بايلانىستاردى دامىتۋعا قوسقان ۇلەسى ءۇشىن ق ر پرەزيدەنتى قاسىم-جومارت توقايەۆتىڭ العىس حاتىن تاپسىرۋ ءراسىمى وتكەن بولاتىن.