جامبىل وبلىسىندا ٶزٸن انگليياعا جۇمىسقا ورنالاستىرامىن دەپ تانىستىرعان ەيەلدٸڭ قۇربانى بولعان 10 تۇرعىن پوليتسيياعا جٷگٸندٸ, دەپ حابارلايدى Dalanews.kz جەتٸنشٸ ارناعا سٸلتەمە جاساپ.
جەبٸرلەنۋشٸلەردٸڭ ايتۋىنشا, كٷدٸكتٸ ولاردى انگليياداعى جىلىجايلاردا جۇمىس ٸستەيسٸڭدەر دەپ سەندٸرگەن. وندا ساڭىراۋقۇلاق تەرٸپ, ايىنا 1 ميلليون تەڭگەدەن استام تابىس تابۋعا بولاتىنىن ۋەدە ەتكەن.
اسا اۋىلىنىڭ تۇرعىندارى ينتەرنەتتەن جارييالانعان حابارلاندىرۋعا سەنٸپ, كەلٸسٸمشارت جاساسقان. شەتەلگە شىعۋ ٷشٸن كەيبٸرٸ نەسيە الىپ, تۋىستارىنان قارىز سۇراعان.
الايدا اقشا تولىق تٶلەنگەننەن كەيٸن ەيەل بايلانىسقا شىقپاي, جوعالعان. زارداپ شەككەندەر وعان جالپى 5 ميلليون تەڭگەدەن استام قارجى اۋدارعاندارىن ايتادى.
جەبٸرلەنۋشٸلەردٸڭ بٸرٸ نۇرعيسا يبراگيموۆ جۇمىسىنان شىعىپ, شەتەلگە تابىس تابۋعا بارامىن دەپ ٷمٸتتەنگەنٸن, الايدا قازٸر جۇمىسسىز ەرٸ قارىزعا باتقانىن ايتتى.
جامبىل وبلىستىق پوليتسييا دەپارتامەنتٸ مەلٸمەتٸنشە, الاياقتىق فاكتٸسٸ بويىنشا قىلمىستىق ٸس قوزعالعان. 29 جاستاعى كٷدٸكتٸنٸڭ جەكە باسى انىقتالىپ, حالىقارالىق ٸزدەۋگە جارييالانعان.
قازٸر ونى ۇستاۋ بويىنشا جەدەل-ٸزدەستٸرۋ شارالارى جٷرگٸزٸلٸپ جاتىر.
