قازاقستان پرەمەر-ليگاسىنىڭ 13-تۋرى اياسىندا ٶتكەن "ەلٸماي" مەن "ورداباسى" اراسىنداعى ماتچىنىڭ باس تٶرەشٸسٸ ارمان يسمۇراتوۆ بەس تەۋلٸككە ەكٸمشٸلٸك قاماۋعا الىندى, دەپ حابارلايدى dalanews.kz.
13 ماۋسىم كٷنٸ ٶتكەن كەزدەسۋدەن كەيٸن تٶرەشٸنٸڭ اينالاسىندا داۋ تۋىنداعان بولاتىن. "ەلٸماي" فۋتبولشىلارى ارمان يسمۇراتوۆتى ويىن بارىسىندا بىلاپىت سٶزدەر قولداندى دەپ ايىپتاسا, كوماندانىڭ باس باپكەرٸ اندرەي كارپوۆيچ تٶرەشٸ ويىنشىلاردى قورلاپ, كلۋبقا قاتىستى قوقان-لوقى جاساعانىن مەلٸمدەدٸ.
كەيٸن ەلەۋمەتتٸك جەلٸلەردە ستاديوننىڭ ٸشكٸ اۋماعىندا تٷسٸرٸلگەن ۆيدەو تارادى. بەينەجازبادا ارمان يسمۇراتوۆتىڭ «ەلٸماي» كلۋبىنىڭ ٶكٸلدەرٸنە قاتىستى دٶرەكٸ پٸكٸر ايتىپ, كومانداعا ماۋسىم سوڭىنا دەيٸن قىسىم كٶرسەتەتٸنٸن مەلٸمدەگەنٸ كٶرٸنەدٸ.
تاراعان اقپاراتقا سەيكەس, تٶرەشٸ ەكٸمشٸلٸك جاۋاپكەرشٸلٸككە تارتىلىپ, بەس تەۋلٸككە قاماۋعا الىنعان. ەزٸرگە بۇل جاعدايعا قاتىستى رەسمي ورگاندار مەن فۋتبول ۇيىمدارى تٷسٸنٸكتەمە بەرگەن جوق.
