Qazaqstan Premer-ligasynyń 13-týry aiasynda ótken "Elimai" men "Ordabasy" arasyndaǵy matchynyń bas tóreshisi Arman Ismuratov bes táýlikke ákimshilik qamaýǵa alyndy, dep habarlaidy dalanews.kz.
13 maýsym kúni ótken kezdesýden keiin tóreshiniń ainalasynda daý týyndaǵan bolatyn. "Elimai" fýtbolshylary Arman Ismuratovty oiyn barysynda bylapyt sózder qoldandy dep aiyptasa, komandanyń bas bapkeri Andrei Karpovich tóreshi oiynshylardy qorlap, klýbqa qatysty qoqan-loqy jasaǵanyn málimdedi.
Keiin áleýmettik jelilerde stadionnyń ishki aýmaǵynda túsirilgen video tarady. Beinejazbada Arman Ismuratovtyń «Elimai» klýbynyń ókilderine qatysty dóreki pikir aityp, komandaǵa maýsym sońyna deiin qysym kórsetetinin málimdegeni kórinedi.
Taraǵan aqparatqa sáikes, tóreshi ákimshilik jaýapkershilikke tartylyp, bes táýlikke qamaýǵa alynǵan. Ázirge bul jaǵdaiǵa qatysty resmi organdar men fýtbol uiymdary túsinikteme bergen joq.
