ماڭعىستاۋ وبلىسىندا جاز باستالىسىمەن قاراقۇرت شاققان تۇرعىندار سانى كٶبەيٸپ جاتىر. بۇل تۋرالى وبلىستىق كٶپبەيٸندٸ اۋرۋحانانىڭ باسشىسى بەرٸك قاۋىنوۆ مەلٸمدەدٸ, دەپ حابارلايدى dalanews.kz Lada.kz-كە سٸلتەپ.
ونىڭ ايتۋىنشا, ماۋسىم باستالعالى بەرٸ تەك وبلىستىق اۋرۋحانانىڭ ٶزٸنە قاراقۇرت شاققان التى ادام جٷگٸنگەن. مۇنداي جاعدايلار جاڭاٶزەن, بەينەۋ, شەتپە جەنە جەتٸباي ەلدٸ مەكەندەرٸندە دە تٸركەلگەن.
دەرٸگەرلەردٸڭ سٶزٸنشە, بيىل ۋلى ٶرمەكشٸلەر ەدەتتەگٸدەن ەرتەرەك بەلسەندٸلٸك تانىتقان.
"ەدەتتە قاراقۇرت شاققان ادامداردىڭ سانى شٸلدە-تامىز ايلارىندا كٶبەيەدٸ. قازٸر ماۋسىمنىڭ ورتاسى عانا بولسا دا, زارداپ شەككەندەر سانى الاڭداۋشىلىق تۋعىزادى. سوندىقتان تۇرعىنداردى ساق بولۋعا شاقىرامىز", - دەدٸ بەرٸك قاۋىنوۆ.
ماماندار دالادا نەمەسە بوس جاتقان اۋماقتاردا جالاڭاياق جٷرمەۋگە, اشىق جەردە جۇمىس ٸستەگەن كەزدە جابىق كيٸم كييۋگە كەڭەس بەرەدٸ. سونداي-اق, كيٸم مەن اياقكيٸمدٸ كيمەس بۇرىن مۇقييات تەكسەرٸپ شىعۋ قاجەت. زاتتاردى تٷندە دالادا قالدىرماعان جٶن. ال ٷي ماڭىنداعى اۋماقتاردى قۇرعاق شٶپتەن, قوقىستان جەنە تاستاردان تازارتىپ وتىرۋ كەرەك.
قاراقۇرت بايقالسا, ونى ٶز بەتٸمەن ۇستاۋعا نەمەسە جويۋعا ەرەكەت جاساماعان دۇرىس. مۇنداي جاعدايدا ارنايى قىزمەتتەرگە حابارلاسۋ قاجەت. دەرٸگەرلەر قاراقۇرت ۋى ادام اعزاسىنا اسا قاۋٸپتٸ ەكەنٸن ايتادى. ونىڭ ۋى جٷيكە جٷيەسٸنە ەسەر ەتٸپ, اۋىر اسقىنۋلارعا ەكەپ سوعۋى مٷمكٸن.
قاراقۇرت شاققاننان كەيٸن العاشقى سەتتە ادام جەڭٸل اۋىرسىنۋ نەمەسە اشىتۋ سەزٸنۋٸ ىقتيمال. الايدا 15-60 مينۋتتان سوڭ مىناداي بەلگٸلەر پايدا بولۋى مٷمكٸن:
– بٷكٸل دەنەگە تارالاتىن قاتتى اۋىرسىنۋ;
– بۇلشىق ەتتٸڭ تٷيٸلۋٸ مەن قۇرىسۋى;
– ٸش, كەۋدە جەنە بەل اۋىرۋى;
– قان قىسىمى كٶتەرٸلۋٸ;
– جٷرەك سوعىسى جيٸلەۋٸ;
– تەرشەڭدٸك, ەلسٸزدٸك جەنە مازاسىزدىق;
– جٷرەك اينۋ, قۇسۋ;
– تىنىس الۋ قيىنداۋى.
ەسٸرەسە, بالالار, قارت ادامدار جەنە جٷرەك-قان تامىرلارى اۋرۋلارى بار ناۋقاستار ٷشٸن قاراقۇرت ٶتە قاۋٸپتٸ. مامانداردىڭ ايتۋىنشا, دەر كەزٸندە مەديتسينالىق كٶمەككە جٷگٸنگەن ادامداردىڭ باسىم بٶلٸگٸ تولىق ساۋىعىپ كەتەدٸ.
