قازاقستاندا 2027 جىلى جاڭا 20 000 تەڭگەلٸك بانكنوتا اينالىمعا شىعادى. بۇل تۋرالى ۇلتتىق بانكتە ٶتكەن بريفينگتە تيمۋر سٷلەيمەنوۆ مەلٸمدەدٸ, دەپ حابارلايدى Dalanews.kz
ونىڭ ايتۋىنشا, جاڭا كۋپيۋرا كەلەسٸ جىلى قولدانىسقا ەنگٸزٸلەدٸ, ال قازٸرگٸ 20 000 تەڭگەلٸك بانكنوتا بەلگٸلٸ بٸر ۋاقىتقا دەيٸن قاتار اينالىمدا بولادى.
ۇلتتىق بانك باسشىسى جاڭا بانكنوتانىڭ ديزاينى بۇرىن تانىستىرىلعانىن اتاپ ٶتتٸ. الايدا ونى تولىق ەنگٸزۋ ٷشٸن ٶندٸرٸس پروتسەسٸ مەن بانكتەردٸڭ, سونىڭ ٸشٸندە بانكومات جەلٸلەرٸنٸڭ دايىندىعى قاجەت. وسى سەبەپتٸ جاڭا كۋپيۋرا كەزەڭ-كەزەڭٸمەن ەنگٸزٸلەدٸ.
وسى جاڭارتۋدان كەيٸن ەلدەگٸ بانكنوتالار قاتارى تولىق جاڭارتىلاتىن بولادى.
جۋرناليستەر قازاقستاندا بانكنوتتار سيياقتى مونەتالاردى دا جاڭارتۋ جوسپاردا بار-جوعىن ناقتىلادى.
«مونەتالارعا قاتىستى ەزٸرگە ەشتەڭە ايتا المايمىن. قولما-قول اقشا اينالىمىنا بايلانىستى ەرتٷرلٸ جوسپارلار بار, بٸراق ناقتى شەشٸم ەلٸ قابىلدانعان جوق», - دەدٸ ول.
