قاراعاندى وبلىسىندا قوعامدىق كەڭەستىڭ كوشپەلى وتىرىسىندا كەڭەس مۇشەلەرى ەكسج جوبالارىنداعى قازاقستاندىق قامتۋدى باقىلاۋدى كۇشەيتۋگە شاقىردى.
وتىرىس الدىندا قاتىسۋشىلار تەمىرتاۋ مەن قاراعاندىداعى نىسانداردى ارالادى. ولار تەمىرتاۋدا جاڭارتىلعان جىلۋ ماگيسترالىن تەكسەرىپ، تاعى ءبىر ۋچاسكەدەگى جۇمىس بارىسىمەن تانىستى. قاراعاندىدا دەلەگاسيا «قاراعاندى سۋ» ءجشس-نىڭ سۋ تازارتۋ كەشەنىنە جانە سورعى ستانسياسى بار م2 جىلۋ ماگيسترالىنە باردى.
كەزدەسۋ بارىسىندا قوعامدىق كەڭەس مۇشەلەرى جوبالاردى جۇزەگە اسىرۋعا قاتىستى ءبىرقاتار ماسەلەلەردى كوتەردى.
تالقىلاۋعا قوعامدىق كەڭەستىڭ ءتوراعاسى، پارلامەنت ءماجىلىسىنىڭ دەپۋتاتى دۇيسەنباي تۇرعانوۆ، «وڭدەۋ ونەركاسىبى وداعى» زتب اتقارۋشى ديرەكتورى اسەل داڭعىلوۆا، سونداي-اق قوعام قايراتكەرى، ەڭبەك سىڭىرگەن ەنەرگەتيك پەتر سۆويك قاتىستى.
قازاقستاندىق قامتۋ بويىنشا تالاپتاردى ساقتاۋعا ەرەكشە نازار اۋدارىلدى. اسەلى داڭعىلوۆانىڭ ايتۋىنشا، ءىس جۇزىندە وسى نورمالاردىڭ ورىندالۋىن باقىلاۋدىڭ ناقتى تەتىگى جوق.
«قازاقستاندىق قامتۋ بويىنشا نورمالار قاراستىرىلعان، دەگەنمەن، ولاردى باقىلاۋ تەتىگى قوسىمشا پىسىقتاۋدى تالاپ ەتەدى. بۇل كورسەتكىشتى قاداعالاۋعا جەرگىلىكتى اتقارۋشى ورگاندار مەن مەردىگەرلىك ۇيىمدار دەڭگەيىندە جۇيەلى ءتاسىلدى قامتاماسىز ەتۋ ماڭىزدى»، - دەءدى ول.
وعان جاۋاپ رەتىندە جەرگىلىكتى اتقارۋشى ورگان وكىلدەرى اتالعان باعىت بويىنشا باقىلاۋدىڭ كۇشەيتىلگەن رەجيمدە جۇرگىزىلەتىنىن حابارلادى.
سونداي-اق وتىرىستا تەمىرتاۋ جانە قاراعاندى قالالارىنىڭ اكىمدەرى عالىم ءاشىموۆ پەن مەيرام كوجۋحوۆ، سونىمەن قاتار تابيعي مونوپوليالاردى رەتتەۋ كوميتەتى ءتوراعاسىنىڭ ورىنباسارى انار بايتۇكەنوۆا بايانداما جاسادى.
وتىرىستى قورىتىندىلاي كەلە، قوعامدىق كەڭەستءىڭ ءتوراعاسى دۇيسەنباي تۇرعانوۆ جوبالاردى ىسكە اسىرۋدىڭ اشىقتىعى مەن تيىمدىلىگىن ارتتىرۋعا باعىتتالعان ءبىرقاتار ۇسىنىس ايتتى. ماسەلەن، 2026 جىلعا ارنالعان جۇمىستاردىڭ ەگجەي-تەگجەيلى كەستەسىن ۇسىنۋ جانە رەكونسترۋكسيالاۋ بارىسى تۋرالى تۇراقتى تۇردە اقپاراتتاندىرىپ وتىرۋدى قامتاماسىز ەتۋ ۇسىنىلدى.
ەسكە سالايىق، 2025 جىلى قازاقستاندا 8 تابيعي مونوپوليا سۋبەكتىسى توزۋ دەڭگەيى بويىنشا «قىزىل ايماقتان» «سارى ايماققا» ءوتتى. 2026 جىلى تاعى 8 كاسىپورىن بويىنشا وسىنداي وزگەرىستەر بولادى دەپ جوسپارلانۋدا.
كوممۋنالدىق ينفراقۇرىلىمدى جاڭعىرتۋ جالعاسۋدا: ەل بويىنشا 2026 جىلى 7،124 كم ەلەكتر، 135 كم جىلۋ، 200 كم سۋمەن جابدىقتاۋ جانە 98 كم سۋ بۇرۋدى قوسا العاندا، 7،6 مىڭ كم جەلىنى جوندەۋ جوسپارلانىپ وتىر.
انىقتاما: «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسى رەسپۋبليكا بويىنشا 2029 جىلعا دەيىن ىسكە اسىرىلادى. جوبا كوممۋنالدىق ينفراقۇرىلىمنىڭ توزۋىن 40%-عا دەيىن تومەندەتۋگە جانە اپات ءقاۋپىن 20% قىسقارتۋعا باعىتتالعان.
