Shymkent qalasy Ulttyq qaýipsizdik komıteti basqarmasy basshysynyń burynǵy orynbasary Manat Sarbasovqa qatysty sot úkimi qaıta qaraldy, dep habarlaıdy Dalanews.kz.

Buǵan deıin ol 70 mıllıon teńge kóleminde para aldy degen aıyppen 12 jylǵa bas bostandyǵynan aıyrylǵan bolatyn.

İs qaıta qaralǵannan keıin sot múlikti tárkileý týraly sheshimdi alyp tastady. Atap aıtqanda, Sarbasovtan memleket kirisine óndirilip alynǵan páter men Toyota Land Cruiser avtokóligi qaıtaryldy. Sondaı-aq 17 mıllıon teńgeni memleket paıdasyna óndirý týraly talap ta kúshin joıdy.

Sonymen qatar sot sheshimimen onyń bas bostandyǵynan aıyrý merzimi ózgerissiz qaldy, sondaı-aq para retinde alynǵan qarajatty óteý mindeti saqtaldy.

Eske salaıyq, 2025 jyldyń qazan aıynda Manat Sarbasov UQK podpolkovnıgi áskerı ataǵynan aıyrylyp, oǵan tıesili páter men Toyota Land Cruiser kóligi tárkilengen edi.