Ulttyq quryltaidyń besinshi otyrysynda Qasym-Jomart Toqaev Qazaqstanda "Halyq keńesi" dep atalatyn jańa alań qurylatynyn málimdedi, dep habarlaidy Dalanews.kz.
Memleket basshysy Assambleia men Ulttyq quryltaidyń tarihi missiiasy aiaqtalǵanyn atap ótip, olardyń jinaqtalǵan tájiribesi negizinde Qazaqstannyń Halyq keńesin qurýdy usyndy. Jańa organ eldegi barlyq etnostardyń, qoǵamdyq toptar men óńirlerdiń ókildigin qamtamasyz etýge baǵyttalady.
Prezidenttiń aitýynsha, Halyq keńesiniń mártebesi men qalyptasý tártibi Konstitýtsiianyń jeke bólimimen jáne arnaiy konstitýtsiialyq zańmen bekitiledi. Keńes Konstitýtsiiaǵa tolyq sáikes jumys isteidi jáne azamattyq qoǵam men qoǵamdyq birlestikter ókilderinen quralady.
Sonymen qatar Memleket basshysy Halyq keńesi shetelderdegi keńesshi qurylymdardyń ozyq tájiribesin biriktiretin, eldegi eń joǵary konsýltativtik organ mártebesine ie bolatynyn jetkizdi. Keńes tóraǵasyna zań shyǵarý bastamasy quqyǵy berilip, bul onyń saiasi salmaǵyn aitarlyqtai arttyrady.
Jańa organnyń quramyna barlyǵy 126 adam enedi. Onyń ishinde 42 ókili etnomádeni birlestikterden, 42 adam máslihattardan, taǵy 42 ókil qoǵamdyq uiymdardan usynylady. "Halyq keńesiniń" otyrystary jylyna bir ret ótkiziledi.
