ۇلتتىق قۇرىلتايدىڭ بەسٸنشٸ وتىرىسىندا قاسىم-جومارت توقاەۆ قازاقستاندا "حالىق كەڭەسٸ" دەپ اتالاتىن جاڭا الاڭ قۇرىلاتىنىن مەلٸمدەدٸ, دەپ حابارلايدى Dalanews.kz.
مەملەكەت باسشىسى اسسامبلەيا مەن ۇلتتىق قۇرىلتايدىڭ تاريحي ميسسيياسى اياقتالعانىن اتاپ ٶتٸپ, ولاردىڭ جيناقتالعان تەجٸريبەسٸ نەگٸزٸندە قازاقستاننىڭ حالىق كەڭەسٸن قۇرۋدى ۇسىندى. جاڭا ورگان ەلدەگٸ بارلىق ەتنوستاردىڭ, قوعامدىق توپتار مەن ٶڭٸرلەردٸڭ ٶكٸلدٸگٸن قامتاماسىز ەتۋگە باعىتتالادى.
پرەزيدەنتتٸڭ ايتۋىنشا, حالىق كەڭەسٸنٸڭ مەرتەبەسٸ مەن قالىپتاسۋ تەرتٸبٸ كونستيتۋتسييانىڭ جەكە بٶلٸمٸمەن جەنە ارنايى كونستيتۋتسييالىق زاڭمەن بەكٸتٸلەدٸ. كەڭەس كونستيتۋتسيياعا تولىق سەيكەس جۇمىس ٸستەيدٸ جەنە ازاماتتىق قوعام مەن قوعامدىق بٸرلەستٸكتەر ٶكٸلدەرٸنەن قۇرالادى.
سونىمەن قاتار مەملەكەت باسشىسى حالىق كەڭەسٸ شەتەلدەردەگٸ كەڭەسشٸ قۇرىلىمداردىڭ وزىق تەجٸريبەسٸن بٸرٸكتٸرەتٸن, ەلدەگٸ ەڭ جوعارى كونسۋلتاتيۆتٸك ورگان مەرتەبەسٸنە يە بولاتىنىن جەتكٸزدٸ. كەڭەس تٶراعاسىنا زاڭ شىعارۋ باستاماسى قۇقىعى بەرٸلٸپ, بۇل ونىڭ ساياسي سالماعىن ايتارلىقتاي ارتتىرادى.
جاڭا ورگاننىڭ قۇرامىنا بارلىعى 126 ادام ەنەدٸ. ونىڭ ٸشٸندە 42 ٶكٸلٸ ەتنومەدەني بٸرلەستٸكتەردەن, 42 ادام مەسليحاتتاردان, تاعى 42 ٶكٸل قوعامدىق ۇيىمداردان ۇسىنىلادى. "حالىق كەڭەسٸنٸڭ" وتىرىستارى جىلىنا بٸر رەت ٶتكٸزٸلەدٸ.
