Shymkent politsiiasynyń basshysy Nurlan Almasbekov qyzmetinen bosatyldy, dep habarlaidy Dalanews.kz.
IIM Ózindik qaýipsizdik departamenti Qarataý aýdany politsiia basqarmasynyń qyzmetkerleriniń marqum qyzdyń týystarynyń ótinishterin tiisinshe qaramaýdyń yqtimal deregi boiynsha sotqa deiingi tergeý júrgizip jatyr.
"Qylmystyq is sheńberinde jedel den qoimaý jáne ýaqtyly sharalar qabyldamaý boiynsha barlyq dáiek jan-jaqty tekseriledi. Tergeý qorytyndysy boiynsha zańda belgilengen tártippen laýazymdy tulǵalardyń áreketine quqyqtyq baǵa beriledi", - dedi IIM ókilderi.
Sonymen qatar, qyzmettik tergeý júrgizilip, onyń nátijesi boiynsha tártiptik sharalar qabyldanǵan.
"Quqyqtyq tártipti tiisinshe qamtamasyz etpegeni úshin Shymkent qalasy politsiia departamentiniń bastyǵy jáne onyń birinshi orynbasary atqaratyn laýazymdarynan bosatylyp, birqatar laýazymdy tulǵa ishki ister organdarynan qyzmetten shyǵaryldy", - dep jazylǵan habarlamada.
Kisi óltirý deregi boiynsha qylmystyq isti tergeý barysy IIM baqylaýynda. Tájiribeli qyzmetkerler qatarynan arnaiy jedel tergeý toby qurylǵan.
Aita keteiik, Prezident Ulttyq quryltaida shymkenttik Nuraidyń ólimine qatysty pikir bildirdi.
