Almatyda iri zańsyz nysan sot sheshimimen buzylyp jatyr, dep habarlaıdy Dalanews.kz.
Núsipbekov kóshesi, 51 mekenjaıynda ornalasqan tórt qabatty zańsyz ǵımarat buzylyp jatyr. Bul týraly Almatynyń Qala qurylysyn baqylaý basqarmasynyń ókilderi aıtty.
Buǵan deıin nysan ıesine qatysty ákimshilik sharalar qabyldanyp, ǵımaratty óz erkimen buzý týraly nusqaý berilgen. Alaıda talaptar oryndalmaǵan.
2025 jyly 8 mamyrda Almaty qalasynyń Mamandandyrylǵan aýdanaralyq ekonomıkalyq soty Qala qurylysyn baqylaý basqarmasynyń talap-aryzyn qanaǵattandyryp, nysandy buzý týraly sheshim shyǵardy. Sot sheshimi oryndalýy úshin Ádilet departamentine joldanǵan.
Búgin sot oryndaýshylarynyń qatysýymen nysandy buzý jumystary bastaldy.
