الماتىدا ءىرى زاڭسىز نىسان سوت شەشىمىمەن بۇزىلىپ جاتىر، دەپ حابارلايدى Dalanews.kz.
نۇسىپبەكوۆ كوشەسى، 51 مەكەنجايىندا ورنالاسقان ءتورت قاباتتى زاڭسىز عيمارات بۇزىلىپ جاتىر. بۇل تۋرالى الماتىنىڭ قالا قۇرىلىسىن باقىلاۋ باسقارماسىنىڭ وكىلدەرى ايتتى.
بۇعان دەيىن نىسان يەسىنە قاتىستى اكىمشىلىك شارالار قابىلدانىپ، عيماراتتى ءوز ەركىمەن بۇزۋ تۋرالى نۇسقاۋ بەرىلگەن. الايدا تالاپتار ورىندالماعان.
2025 جىلى 8 مامىردا الماتى قالاسىنىڭ مامانداندىرىلعان اۋدانارالىق ەكونوميكالىق سوتى قالا قۇرىلىسىن باقىلاۋ باسقارماسىنىڭ تالاپ-ارىزىن قاناعاتتاندىرىپ، نىساندى بۇزۋ تۋرالى شەشىم شىعاردى. سوت شەشىمى ورىندالۋى ءۇشىن ادىلەت دەپارتامەنتىنە جولدانعان.
بۇگىن سوت ورىنداۋشىلارىنىڭ قاتىسۋىمەن نىساندى بۇزۋ جۇمىستارى باستالدى.
