Qazaqstanda jańa Parlament "Quryltai" dep atalady, dep habarlaidy Dalanews.kz.
Bir palataly Parlamentte 145 depýtat bolady. Bul týraly Qyzylordadaǵy Ulttyq quryltaida Prezident málimdedi.
"Eń aldymen, bolashaq Parlamenttiń ataýy boiynsha pikirimdi aitsam. Qysqasha aitqanda, Quryltai degen ataýdy berý kerek dep senemin. Quryltaidyń tarihi aiasy da, maǵynasy da halqymyzǵa túsinikti, jaqyn. Quryltai otyrystaryn jańǵyrtý bastamasyn men ózim 2022 jyly kóterdim. Bul baiandamanyń basynda Quryltai jumysynyń tiimdiligi men paidasyna den qoidym. Jalpy, elimizdiń saiasi júiesinde Quryltai ataýyn asa mańyzdy memlekettik institýttyń simvoly retinde saqtap qalýymyz kerek dep oilaimyn. Al depýtattar sanyna kelsek, bul másele de qyzý pikirtalas týǵyzdy", - dedi Toqaev.
Memleket basshysynyń aitýynsha, eń kóp pikir qaishylyǵy osy máselege qatysty bolǵan.
"Birinshi tarap elimizdegi halyq sanyna qarai proportsionaldy ýákildik ideiasyn usyndy. Ekinshi tarap depýtat sanyn 500-ge deiin arttyrý qajet dedi. Bizdiń negizgi maqsatymyz – shyn máninde tiimdi ári kásibi Parlament qurý. Jańa zań shyǵarýshy organ eldegi aýqymdy ózgeristerge zańnamalyq turǵyda barynsha qoldaý kórsetýge tiis. Álemdegi ozyq tájiribelerge qarasaq, bul úshin depýtat sanyn kóbeitýdiń esh qajeti joq. Sondyqtan másele – sanda emes, sapada! Eń bastysy, Parlamentte naǵyz otanshyl azamattar – bilikti mamandar otyrýǵa tiis! Jumys toby azamattardyń usynystaryn muqiiat zerdelep, qyzý talqylady. Aqyr sońynda Parlamenttiń mandat sany 145 bolýy kerek degen bailamǵa keldi. Jańa Parlamentte Tóraǵanyń úsh orynbasary bolýy múmkin. Al, komitet sany 8-den aspaýy kerek", - dedi Toqaev.
