Kaspi.kz basty róldi Rústem Omarov somdaǵan tanymal qazaqstandyq «Alaıaqtar» telehıkaıasynyń ekinshi maýsymyna demeýshi boldy. Joba naqty alaıaqtyq shemalarǵa negizdelgen jáne mańyzdy áleýmettik mısıany atqarady: kórermenderge qaskúnemderdiń aıla-amaldaryn tanýǵa kómektesedi, elimizde jáne óńirimizde qarjylyq qaýipsizdik mádenıetin qalyptastyrady.
Jańa maýsymnyń alǵashqy tórt serıasyn 15 qańtardan bastap Unico Play jáne Start platformasynan kórýge bolady.
«Alaıaqtar» - áleýmettik mańyzy bar telehıkaıa.
«Alaıaqtar» - bul jaı ǵana qylmystyq trıller emes. Serıal sońǵy jyldary eń kóp talqylanatyn jáne tanymal jobalardyń birine aınaldy. Onda alaıaqtyq «ishinen» qylmyskerlerdiń kózimen kórsetilgen, onyń arqasynda aýdıtorıa alaıaqtyq mehanızmderi men onyń qandaı saldary bolatynyn biledi. Mundaı shynaıylyq telehıkaıanyń tanymal bolýyn qamtamasyz etip, mádenı rezonans týdyrdy.
Kaspi.kz-tiń áleýmettik-bilim berý jobasy.
Kaspi.kz «Alaıaqtardyń» birinshi maýsymynyń sátti shyqqanynan shabyt alyp, B.A.S. Production stýdıasymen birlesip QR Qarjy naryǵyn retteý jáne damytý agenttiginiń (QNRDA) qoldaýymen 2025 jyly alaıaqtyqqa qarsy is-qımyl boıynsha aýqymdy áleýmettik-bilim berý jobasyn iske qosty.
Onyń aıasynda qysqa oqytý beınerolıkteri túsirildi, qaskúnemderdiń adamdarǵa qupıa kodtardy aldap aıtqyzyp, aqshany belgisiz shottarǵa aýdarýǵa qalaı májbúrleıtinin telehıkaıanyń akterleri aıqyn kórsetedi. Barlyq senarı shynaıy oqıǵalarǵa negizdelgen.
Bir jyldyń ishinde Qazaqstanda jáne odan tys jerde alaıaqtyqtyń eń keń taraǵan shemalary týraly 19 rolık jaryq kórdi. Qamtý aýqymy kútken nátıjeden áldeqaıda asyp tústi: elimizdiń jetekshi telearnalary epızodtardy jalpy alǵanda 2500-den asa kórsetti, áleýmettik jelilerdegi Kaspi.kz-tiń resmı paraqshalarynda rolıkter 190 mln astam ret qaraldy, al mobıldi qosymsha arqyly klıentterge beınerolıkke silteme kórsetilgen36 mıllıon habarlama jiberildi. Bul elimizdi qamtyǵan eń aýqymdy jobalardyń biri boldy.
Kaspi.kz sondaı-aq alaıaqtyq áreketterge qatysty aryzdardyń sany bes esege azaıǵanyn atap ótti, bul adamdarǵa shyn máninde naqty paıda ákelgenin aıqyn kórsetti.
Osylaısha, Kaspi.kz jobasy kompanıanyń klıentterimen jumys isteýmen ǵana shektelmeı, qoǵamnyń qaýipsizdigin arttyrýǵa aıtarlyqtaı úles qosty.
Kaspi.kz basshysy ári negizin qalaýshylardyń biri Mıhaıl Lomtadze:
«Biz servısterimizdi adamdar úshin burynǵydan da yńǵaıly, paıdaly bolatyndaı únemi damytyp otyramyz. Súıikti klıentterimizdi qorǵaý úshin eń zamanaýı tehnologıalardy qoldanamyz jáne qaýipsizdik júıesin de únemi jetildirip otyramyz. Bul rette jeke derekterdi eshkimge habarlaýǵa, mobıldi qosymshaǵa kirýge ruqsat berýge, qupıa parólder men SMS- tegi kodtardy aıtýǵa bolmaıtynyn únemi eskertip otyramyz.
Qaskóılerdiń senimge qalaı kiretinin kórneki túrde kórsetip, múmkindiginshe kóp adamnyń qaýipsizdigin qamtamasyz etýge kómektesý úshin bilim berý rolıkteriniń toptamasyn shyǵardyq, sondaı-aq «Alaıaqtar» telehıkaıasynyń ekinshi maýsymyna qoldaý kórsettik.
Qaralymnyń kóńilderińizden shyǵýyn tileımin jáne taǵy da eske sala ketkim keledi — saq bolyńyzdar, qupıa derekterińizdi eshkimge bermeńizder!»
Rústem Omarov, akter, basty róldi somdaýshy:
«Kaspi.kz-pen birge úlken jobany iske asyrdyq. Jumysymyz jemisti boldy. Kaspi.kz, İİM, prokýratýra, QNRDA kómektesip, shynaıy alaıaqtyq jaǵdaılar týraly aıtyp berdi. Qatysýshylardyń bári munyń kúrdeli áleýmettik másele ekenin túsingendikten, barynsha berilip eńbek etti. Biz túsirgen beınerolıkter adamdardyń kóńilinen shyǵyp, mıllıondaǵan qaralym jınady. Eń bastysy, naqty nátıje bar.
Aldaǵy ýaqytta da adamdar barynsha saq bolý úshin olarǵa alaıaqtyq shemalar týraly aıtyp otyramyz».
Kaspi.kz adamdarǵa qaskúnemderdiń aıla-amalyn qalaı taný kerektigin túsindirip qana qoımaı, óziniń qaýipsizdik júıesin de únemi jetildirip otyrady. Máselen, 2025 jyly kompanıa 24 mıllıard teńgeden astam somaǵa 330 myń alaıaqtyq tranzaksıanyń aldyn aldy, sonyń arqasynda myńdaǵan klıent óz qarajatyn saqtap qaldy.
Alaıaqtardan qalaı qorǵaný kerek
• qupıasózderdi, PIN-kodtar men qupıa SMS-kodtardy eshkimge aıtpańyz.
• áńgimelesýshi ózin qalaı tanystyrsa da, eshqashan belgisiz shottarǵa nemese nómirlerge aqsha aýdarmańyz.
• alaıaqtyqqa kúdigińiz bolsa, keńes pen kómek alý úshin birden óz bankińizge habarlasyńyz
Kaspi.kz mısıasy – klıentter men seriktesterdiń ómirin jaqsartatyn ınovasıalyq ónimder men qyzmetter jasaý. Inovasıalardyń ortalyǵynda – eldegi eń tanymal mobıldi sýperqosymsha Kaspi.kz. Ony shamamen 15 mıllıonǵa jýyq qazaqstandyq paıdalanady, ol eldegi elektrondy saýda, tólem jáne qarjylyq jetekshi servısterdi qamtıdy.
Kaspi.kz sýperqosymshasy arqyly qazaqstandyqtar tegin jetkizý qyzmeti bar tıimdi onlaın zat satyp alyp, komısıasyz tólemder men aýdarymdar jasaıdy, jeke qarjylaryn basqarady, áýe jáne temirjol bıletterin satyp alady, týrlar rásimdeıdi jáne eń tanymal memlekettik qyzmetterdi paıdalanady.
Kaspi.kz bıznes úshin de Kaspi Pay sýperqosymshasyn ázirledi, ony Qazaqstandaǵy shamamen 700 myńǵa jýyq kásipker paıdalanady. Kaspi Pay arqyly kásipkerler bıznesin damytýǵa qarjylandyrý alady, tólem qabyldaıdy, jarnamalyq naýqandar júrgizedi, salyq tóleıdi, elektrondyq saýda jáne jetkizý platformasyna qosylady, onyń kómegimen taýarlaryn búkil el aýmaǵynda satady.
Garvard Bıznes mektebi Kaspi.kz týraly eki oqý materıalyn ázirledi, ony birneshe jyldan beri magıstratýra stýdentteri oqyp keledi.
