Kaspi.kz باستى ءرولدى رۇستەم وماروۆ سومداعان تانىمال قازاقستاندىق «الاياقتار» تەلەحيكاياسىنىڭ ەكىنشى ماۋسىمىنا دەمەۋشى بولدى. جوبا ناقتى الاياقتىق سحەمالارعا نەگىزدەلگەن جانە ماڭىزدى الەۋمەتتىك ميسسيانى اتقارادى: كورەرمەندەرگە قاسكۇنەمدەردىڭ ايلا-امالدارىن تانۋعا كومەكتەسەدى، ەلىمىزدە جانە وڭىرىمىزدە قارجىلىق قاۋىپسىزدىك مادەنيەتىن قالىپتاستىرادى.
جاڭا ماۋسىمنىڭ العاشقى ءتورت سەرياسىن 15 قاڭتاردان باستاپ Unico Play جانە Start پلاتفورماسىنان كورۋگە بولادى.
«الاياقتار» - الەۋمەتتىك ماڭىزى بار تەلەحيكايا.
«الاياقتار» - بۇل جاي عانا قىلمىستىق تريللەر ەمەس. سەريال سوڭعى جىلدارى ەڭ كوپ تالقىلاناتىن جانە تانىمال جوبالاردىڭ بىرىنە اينالدى. وندا الاياقتىق «ىشىنەن» قىلمىسكەرلەردىڭ كوزىمەن كورسەتىلگەن، ونىڭ ارقاسىندا اۋديتوريا الاياقتىق مەحانيزمدەرى مەن ونىڭ قانداي سالدارى بولاتىنىن بىلەدى. مۇنداي شىنايىلىق تەلەحيكايانىڭ تانىمال بولۋىن قامتاماسىز ەتىپ، مادەني رەزونانس تۋدىردى.
Kaspi.kzء-تىڭ الەۋمەتتىك-بىلىم بەرۋ جوباسى.
Kaspi.kz «الاياقتاردىڭ» ءبىرىنشى ماۋسىمىنىڭ ءساتتى شىققانىنان شابىت الىپ، B.A.S. Production ستۋدياسىمەن بىرلەسىپ ق ر قارجى نارىعىن رەتتەۋ جانە دامىتۋ اگەنتتىگىنىڭ (قنردا) قولداۋىمەن 2025 جىلى الاياقتىققا قارسى ءىس-قيمىل بويىنشا اۋقىمدى الەۋمەتتىك-بىلىم بەرۋ جوباسىن ىسكە قوستى.
ونىڭ اياسىندا قىسقا وقىتۋ بەينەروليكتەرى ءتۇسىرىلدى، قاسكۇنەمدەردىڭ ادامدارعا قۇپيا كودتاردى الداپ ايتقىزىپ، اقشانى بەلگىسىز شوتتارعا اۋدارۋعا قالاي ماجبۇرلەيتىنىن تەلەحيكايانىڭ اكتەرلەرى ايقىن كورسەتەدى. بارلىق سەناريي شىنايى وقيعالارعا نەگىزدەلگەن.
ءبىر جىلدىڭ ىشىندە قازاقستاندا جانە ودان تىس جەردە الاياقتىقتىڭ ەڭ كەڭ تاراعان سحەمالارى تۋرالى 19 روليك جارىق كوردى. قامتۋ اۋقىمى كۇتكەن ناتيجەدەن الدەقايدا اسىپ ءتۇستى: ەلىمىزدىڭ جەتەكشى تەلەارنالارى ەپيزودتاردى جالپى العاندا 2500-دەن اسا كورسەتتى، الەۋمەتتىك جەلىلەردەگى Kaspi.kzء-تىڭ رەسمي پاراقشالارىندا روليكتەر 190 ملن استام رەت قارالدى، ال ءموبيلدى قوسىمشا ارقىلى كليەنتتەرگە بەينەروليككە سىلتەمە كورسەتىلگەن36 ميلليون حابارلاما جىبەرىلدى. بۇل ەلىمىزدى قامتىعان ەڭ اۋقىمدى جوبالاردىڭ ءبىرى بولدى.
Kaspi.kz سونداي-اق الاياقتىق ارەكەتتەرگە قاتىستى ارىزداردىڭ سانى بەس ەسەگە ازايعانىن اتاپ ءوتتى، بۇل ادامدارعا شىن مانىندە ناقتى پايدا اكەلگەنىن ايقىن كورسەتتى.
وسىلايشا، Kaspi.kz جوباسى كومپانيانىڭ كليەنتتەرىمەن جۇمىس ىستەۋمەن عانا شەكتەلمەي، قوعامنىڭ قاۋىپسىزدىگىن ارتتىرۋعا ايتارلىقتاي ۇلەس قوستى.
Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
«ءبىز سەرۆيستەرىمىزدى ادامدار ءۇشىن بۇرىنعىدان دا ىڭعايلى، پايدالى بولاتىنداي ۇنەمى دامىتىپ وتىرامىز. سۇيىكتى كليەنتتەرىمىزدى قورعاۋ ءۇشىن ەڭ زاماناۋي تەحنولوگيالاردى قولدانامىز جانە قاۋىپسىزدىك جۇيەسىن دە ۇنەمى جەتىلدىرىپ وتىرامىز. بۇل رەتتە جەكە دەرەكتەردى ەشكىمگە حابارلاۋعا، ءموبيلدى قوسىمشاعا كىرۋگە رۇقسات بەرۋگە، قۇپيا پارولدەر مەن SMS- تەگى كودتاردى ايتۋعا بولمايتىنىن ۇنەمى ەسكەرتىپ وتىرامىز.
قاسكويلەردىڭ سەنىمگە قالاي كىرەتىنىن كورنەكى تۇردە كورسەتىپ، مۇمكىندىگىنشە كوپ ادامنىڭ قاۋىپسىزدىگىن قامتاماسىز ەتۋگە كومەكتەسۋ ءۇشىن ءبىلىم بەرۋ روليكتەرىنىڭ توپتاماسىن شىعاردىق، سونداي-اق «الاياقتار» تەلەحيكاياسىنىڭ ەكىنشى ماۋسىمىنا قولداۋ كورسەتتىك.
قارالىمنىڭ كوڭىلدەرىڭىزدەن شىعۋىن تىلەيمىن جانە تاعى دا ەسكە سالا كەتكىم كەلەدى — ساق بولىڭىزدار، قۇپيا دەرەكتەرىڭىزدى ەشكىمگە بەرمەڭىزدەر!»
رۇستەم وماروۆ، اكتەر، باستى ءرولدى سومداۋشى:
«Kaspi.kz-پەن بىرگە ۇلكەن جوبانى ىسكە اسىردىق. جۇمىسىمىز جەمىستى بولدى. Kaspi.kz، ءىىم، پروكۋراتۋرا، قنردا كومەكتەسىپ، شىنايى الاياقتىق جاعدايلار تۋرالى ايتىپ بەردى. قاتىسۋشىلاردىڭ ءبارى مۇنىڭ كۇردەلى الەۋمەتتىك ماسەلە ەكەنىن تۇسىنگەندىكتەن، بارىنشا بەرىلىپ ەڭبەك ەتتى. ءبىز تۇسىرگەن بەينەروليكتەر ادامداردىڭ كوڭىلىنەن شىعىپ، ميلليونداعان قارالىم جينادى. ەڭ باستىسى، ناقتى ناتيجە بار.
الداعى ۋاقىتتا دا ادامدار بارىنشا ساق بولۋ ءۇشىن ولارعا الاياقتىق سحەمالار تۋرالى ايتىپ وتىرامىز».
Kaspi.kz ادامدارعا قاسكۇنەمدەردىڭ ايلا-امالىن قالاي تانۋ كەرەكتىگىن ءتۇسىندىرىپ قانا قويماي، ءوزىنىڭ قاۋىپسىزدىك جۇيەسىن دە ۇنەمى جەتىلدىرىپ وتىرادى. ماسەلەن، 2025 جىلى كومپانيا 24 ميلليارد تەڭگەدەن استام سوماعا 330 مىڭ الاياقتىق ترانزاكسيانىڭ الدىن الدى، سونىڭ ارقاسىندا مىڭداعان كليەنت ءوز قاراجاتىن ساقتاپ قالدى.
الاياقتاردان قالاي قورعانۋ كەرەك
• قۇپياسوزدەردى، PIN-كودتار مەن قۇپيا SMS-كودتاردى ەشكىمگە ايتپاڭىز.
• اڭگىمەلەسۋشى ءوزىن قالاي تانىستىرسا دا، ەشقاشان بەلگىسىز شوتتارعا نەمەسە نومىرلەرگە اقشا اۋدارماڭىز.
• الاياقتىققا كۇدىگىڭىز بولسا، كەڭەس پەن كومەك الۋ ءۇشىن بىردەن ءوز بانكىڭىزگە حابارلاسىڭىز
Kaspi.kz ميسسياسى – كليەنتتەر مەن سەرىكتەستەردىڭ ءومىرىن جاقسارتاتىن يننوۆاسيالىق ونىمدەر مەن قىزمەتتەر جاساۋ. يننوۆاسيالاردىڭ ورتالىعىندا – ەلدەگى ەڭ تانىمال ءموبيلدى سۋپەرقوسىمشا Kaspi.kz. ونى شامامەن 15 ميلليونعا جۋىق قازاقستاندىق پايدالانادى، ول ەلدەگى ەلەكتروندى ساۋدا، تولەم جانە قارجىلىق جەتەكشى سەرۆيستەردى قامتيدى.
Kaspi.kz سۋپەرقوسىمشاسى ارقىلى قازاقستاندىقتار تەگىن جەتكىزۋ قىزمەتى بار ءتيىمدى ونلاين زات ساتىپ الىپ، كوميسسياسىز تولەمدەر مەن اۋدارىمدار جاسايدى، جەكە قارجىلارىن باسقارادى، اۋە جانە تەمىرجول بيلەتتەرىن ساتىپ الادى، تۋرلار راسىمدەيدى جانە ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەس ءۇشىن دە Kaspi Pay سۋپەرقوسىمشاسىن ازىرلەدى، ونى قازاقستانداعى شامامەن 700 مىڭعا جۋىق كاسىپكەر پايدالانادى. Kaspi Pay ارقىلى كاسىپكەرلەر بيزنەسىن دامىتۋعا قارجىلاندىرۋ الادى، تولەم قابىلدايدى، جارنامالىق ناۋقاندار جۇرگىزەدى، سالىق تولەيدى، ەلەكتروندىق ساۋدا جانە جەتكىزۋ پلاتفورماسىنا قوسىلادى، ونىڭ كومەگىمەن تاۋارلارىن بۇكىل ەل اۋماعىندا ساتادى.
گارۆارد بيزنەس مەكتەبى Kaspi.kz تۋرالى ەكى وقۋ ماتەريالىن ازىرلەدى، ونى بىرنەشە جىلدان بەرى ماگيستراتۋرا ستۋدەنتتەرى وقىپ كەلەدى.
