Shymkent qalasy Ulttyq qaýipsizdik komiteti basqarmasy basshysynyń burynǵy orynbasary Manat Sarbasovqa qatysty sot úkimi qaita qaraldy, dep habarlaidy Dalanews.kz.
Buǵan deiin ol 70 million teńge kóleminde para aldy degen aiyppen 12 jylǵa bas bostandyǵynan aiyrylǵan bolatyn.
Is qaita qaralǵannan keiin sot múlikti tárkileý týraly sheshimdi alyp tastady. Atap aitqanda, Sarbasovtan memleket kirisine óndirilip alynǵan páter men Toyota Land Cruiser avtokóligi qaitaryldy. Sondai-aq 17 million teńgeni memleket paidasyna óndirý týraly talap ta kúshin joidy.
Sonymen qatar sot sheshimimen onyń bas bostandyǵynan aiyrý merzimi ózgerissiz qaldy, sondai-aq para retinde alynǵan qarajatty óteý mindeti saqtaldy.
Eske salaiyq, 2025 jyldyń qazan aiynda Manat Sarbasov UQK podpolkovnigi áskeri ataǵynan aiyrylyp, oǵan tiesili páter men Toyota Land Cruiser kóligi tárkilengen edi.
