Memleket basshysy Úkimettiń MÁMS júiesin Qarjy ministrliginiń qaramaǵyna berý týraly sheshimin quptady, dep habarlaidy Dalanews.kz.
Bul týraly Prezident Qasym-Jomart Toqaev Qyzylordada ótken Ulttyq quryltaidyń V otyrysynda málimdedi.
Prezident quqyq qorǵaý organdaryna jemqorlyq shemalarynan paida kórip otyrǵan barlyq adamdy anyqtaý tapsyrylǵanyn jetkizdi.
"Mindetti áleýmettik meditsinalyq saqtandyrý qoryn Qarjy ministrliginiń qaramaǵyna berý jónindegi Úkimet sheshimin qoldaimyn", – dedi Toqaev.
Qasym-Jomart Toqaevtyń pikirinshe, Mindetti áleýmettik meditsinalyq saqtandyrý qorynda bolǵan jaǵdai - áleýmettik sala basshylarynyń kásibi deńgeii tómendigi men memlekettik múddege salǵyrt qaraýynyń saldary.
Eske salaiyq, buǵan deiin Qazaqstanda meditsinalyq uiymdardy qarjylandyrý júiesine júrgizilgen tekseris barysynda eleýli zańbuzýshylyqtar áshkerelendi. Bul týraly qarjy ministri Mádi Takiev málimdedi.
Premer-ministr Oljas Bektenov tekseris materialdaryn quqyq qorǵaý organdaryna joldaýdy tapsyrdy. Sonymen qatar, Áleýmettik meditsinalyq saqtandyrý qoryn salalyq vedomstvolardyń qaraýynan shyǵaryp, Qarjy ministrliginiń quzyryna berý jóninde tapsyrma berildi.
