Қасым-Жомарт Тоқаевтың пікірінше, Міндетті әлеуметтік медициналық сақтандыру қорында болған жағдай - әлеуметтік сала басшыларының кәсіби деңгейі төмендігі мен мемлекеттік мүддеге салғырт қарауының салдары.

Еске салайық, бұған дейін Қазақстанда медициналық ұйымдарды қаржыландыру жүйесіне жүргізілген тексеріс барысында елеулі заңбұзушылықтар әшкереленді. Бұл туралы қаржы министрі Мәди Такиев мәлімдеді.

Премьер-министр Олжас Бектенов тексеріс материалдарын құқық қорғау органдарына жолдауды тапсырды. Сонымен қатар, Әлеуметтік медициналық сақтандыру қорын салалық ведомстволардың қарауынан шығарып, Қаржы министрлігінің құзырына беру жөнінде тапсырма берілді.