Ulttyq quryltaida sóilegen sózinde Qazaqstan prezidenti Qasym-Jomart Toqaev 21 jastaǵy stýdent qyzdyń óliminen keiin Shymkent qalasyndaǵy politsiia jumysyna tekseris júrgizýdi tapsyrdy, dep habarlaidy Dalanews.kz.
Telegram-daǵy Egovpress arnasynyń málimetinshe, memleket basshysynyń sózinen keiin bir saǵat ótpei jatyp, Shymkenttegi birneshe quqyq qorǵaý qyzmetkeri laýazymynan aiyrylǵan. Al keibiri qyzmetinen ýaqytsha shettetilgen.
Aqparat kóziniń habarlaýynsha, bul sheshimder prezident tapsyrmasynan keiin shuǵyl qabyldanǵan.
Eske salaiyq, áńgime Nurai Serikbaidyń ólimine qatysty bolyp otyr. 21 jastaǵy boijetken pyshaq jaraqatynan qaza tapqan. Qylmysqa negizgi kúdikti - qyzdyń burynnan sońynan erip júrgen tanysy.
