ۇلتتىق قۇرىلتايدا سٶيلەگەن سٶزٸندە قازاقستان پرەزيدەنتٸ قاسىم-جومارت توقاەۆ 21 جاستاعى ستۋدەنت قىزدىڭ ٶلٸمٸنەن كەيٸن شىمكەنت قالاسىنداعى پوليتسييا جۇمىسىنا تەكسەرٸس جٷرگٸزۋدٸ تاپسىردى, دەپ حابارلايدى Dalanews.kz.
Telegram-داعى Egovpress ارناسىنىڭ مەلٸمەتٸنشە, مەملەكەت باسشىسىنىڭ سٶزٸنەن كەيٸن بٸر ساعات ٶتپەي جاتىپ, شىمكەنتتەگٸ بٸرنەشە قۇقىق قورعاۋ قىزمەتكەرٸ لاۋازىمىنان ايىرىلعان. ال كەيبٸرٸ قىزمەتٸنەن ۋاقىتشا شەتتەتٸلگەن.
اقپارات كٶزٸنٸڭ حابارلاۋىنشا, بۇل شەشٸمدەر پرەزيدەنت تاپسىرماسىنان كەيٸن شۇعىل قابىلدانعان.
ەسكە سالايىق, ەڭگٸمە نۇراي سەرٸكبايدىڭ ٶلٸمٸنە قاتىستى بولىپ وتىر. 21 جاستاعى بويجەتكەن پىشاق جاراقاتىنان قازا تاپقان. قىلمىسقا نەگٸزگٸ كٷدٸكتٸ - قىزدىڭ بۇرىننان سوڭىنان ەرٸپ جٷرگەن تانىسى.
