AQSh prezidenti Donald Tramp Truth Social áleýmettik jelisindegi paraqshasynda Frantsiia prezidenti Emmanýel Makronnan kelgen habarlamalardyń skrinshottaryn jariialady, dep habarlaidy Dalanews.kz.
Jazbalarda Frantsiia basshysy Tramptyń Grenlandiiaǵa qatysty áreketterin túsinbeitinin jetkizgen.
«Prezident Makronnan prezident Trampqa. Dosym, Siriia máselesinde bizdiń ustanymymyz bir. Iran máselesinde de úlken ister atqara alamyz. Biraq Grenlandiiaǵa qatysty seniń ne istep jatqanyńdy túsinbedim», - delingen Makron joldaǵan habarlamada.
Sonymen qatar, Frantsiia prezidenti Trampqa Parijde birge keshki as ishýdi usynǵan.
«Úlken ister atqarýǵa tyrysaiyq:
Davostan keiin (Dúniejúzilik ekonomikalyq forýmnan soń – red.) beisenbi kúni tústen keiin Parijde G7 kezdesýin uiymdastyra alamyn (22 qańtar – red.). Oǵan ýkrainalyqtardy, daniialyqtardy, siriialyqtardy jáne reseilikterdi shaqyrýǵa bolady.
AQSh-qa qaitar aldynda beisenbi kúni Parijde birge keshki as isheiik», - dep jazdy Emmanýel Makron.
DW basylymynyń habarlaýynsha, Elisei saraiy atalǵan hat almasýdyń shynaiy ekenin rastaǵan.
