Qostanaida Bókeihan atyndaǵy mekteptiń ashanasynda sanitarlyq talaptardyń óreskel buzylǵany anyqtaldy, dep habarlaidy Dalanews.kz.
Qalalyq bilim bóliminiń málimetinshe, jeltoqsan aiynda brakerajdyq komissiia tekseris barysynda azyq-túlikten qurttar men metall úgindilerin tapqan.
– Ár mektepte baqylaý júrgizetin brakerajdyq komissiia bar. Jeltoqsanda dál osy komissiianyń arqasynda Bókeihan atyndaǵy mektepte ónimderdiń ishinen qurt pen temir úgindileri anyqtaldy, – dedi Qostanai qalalyq bilim bóliminiń basshysy Gúlsim Ýrazbaeva.
Osy derek boiynsha jetkizýshini josyqsyz dep taný jóninde sotqa talap-aryz joldandy. Sonymen qatar, atalǵan kompaniiamen 2026 jylǵa kelisimshartty uzartý maquldanǵan joq.
