Қостанайда Бөкейхан атындағы мектептің асханасында санитарлық талаптардың өрескел бұзылғаны анықталды, деп хабарлайды Dalanews.kz.
Қалалық білім бөлімінің мәліметінше, желтоқсан айында бракераждық комиссия тексеріс барысында азық-түліктен құрттар мен металл үгінділерін тапқан.
– Әр мектепте бақылау жүргізетін бракераждық комиссия бар. Желтоқсанда дәл осы комиссияның арқасында Бөкейхан атындағы мектепте өнімдердің ішінен құрт пен темір үгінділері анықталды, – деді Қостанай қалалық білім бөлімінің басшысы Гүлсім Уразбаева.
Осы дерек бойынша жеткізушіні жосықсыз деп тану жөнінде сотқа талап-арыз жолданды. Сонымен қатар, аталған компаниямен 2026 жылға келісімшартты ұзарту мақұлданған жоқ.
