Ulttyq quryltai otyrysynda prezident Qasym-Jomart Toqaev QazaqGaz ulttyq kompaniiasynyń jumysyna qatań syn aitty, dep habarlaidy Dalanews.kz.
Memleket basshysynyń aitýynsha, kompaniia gaz óndirý kólemi boiynsha tiisti deńgeide jumys istemei otyr. Qazirgi tańda QazaqGaz bar bolǵany 350 million tekshe metr gaz óndirip otyr, al kompaniiadaǵy qyzmetkerler sany 10 myń adamǵa jýyq. Sonymen qatar jańa ken oryndaryn igerý isi de tiimsiz júrgizilýde.
Prezident bul jaǵdaidy basqarýdaǵy olqylyqtarmen bailanystyrdy.
«Qalyptasqan ahýal - tiimsiz josparlaýdyń tikelei saldary. Bul múlde jol berýge bolmaityn jaǵdai. Budan sabaq alý kerek. QazaqGaz basshylyǵyna perspektivaly ýchaskelerdi óz qarajaty esebinen igerýge kirisý jóninde naqty tapsyrma berdim», - dedi Qasym-Jomart Toqaev.
Sondai-aq memleket basshysy Úkimet pen «Samuryq-Qazyna» qoryna gaz salasyndaǵy jumysty neǵurlym utymdy uiymdastyrýdy tapsyrdy.
Prezidenttiń aitýynsha, gaz sektoryndaǵy basqarý tásilderi qaita qaralyp, ulttyq kompaniialardyń tiimdiligi naqty nátijemen baǵalanýy tiis.
Buǵan deiin Qazaqstannyń premer-ministri Oljas Bektenov «QazaqGaz» ulttyq kompaniiasy» AQ basqarma tóraǵasy Sanjar Jarkeshovtyń tym oń baǵyttaǵy baiandamasyn synǵa alǵan bolatyn.
Úkimet otyrysynda kompaniia basshysy negizgi jetistikter men iske asyrylyp jatqan jobalardy tanystyryp, gaz salasyn tsifrlandyrý men turaqty damytý baǵytyna basymdyq berilip jatqanyn atap ótti. Sanjar Jarkeshovtyń aitýynsha, pilottyq jobalar nátijesinde Shymkent qalasynda gaz tutynýshylarynyń 98 paiyzy tsifrlandyrylǵan, al aldaǵy ýaqytta taldaý júrgizý úshin jasandy intellektini qoldaný josparlanyp otyr.
Sonymen qatar onyń sózinshe, geologiialyq barlaý jáne burǵylaý jumystaryna investitsiialar tartylyp, Jambyl oblysynda jańa gaz qory anyqtalǵan.
Alaida premer-ministr Oljas Bektenov baiandamany jetkiliksiz dep baǵalap, syn aitty.
«Sizderde problemalyq máseleler múlde joq pa? Tek oń nátijelerdi ǵana kórsettińizder. Máseleler týraly kóbirek aitý kerek. Olardy ashyq kóterip, talqylaý qajet», – dedi premer-ministr.
Buǵan jaýap retinde Sanjar Jarkeshov Qashaǵan gaz óńdeý zaýytyndaǵy qazirgi jaǵdai týraly qosymsha baiandama jasady.
