QazaqGaz Býrabaıdaǵy gólf-klýbty basqaratyn “QazMunaıGaz-Servıs NS” kompanıasyn qosymsha 488 mıllıon teńgege qarjylandyrdy. Bul kompanıanyń eki jyl qatarynan shyǵynmen jumys istep kele jatqanyna qaramastan júzege asqan, dep habarlaıdy Dalanews.kz Kýrsıv medıaǵa silteme jasap.
2024 jyly kompanıa 444 mıllıon teńge shyǵynmen jyldy aıaqtasa, 2023 jyly bul kórsetkish 565 mıllıon bolǵan. Al ótken jyldyń sońynda jınalǵan jalpy shyǵyn kólemi 38,6 mıllıard teńgege jetken.
Atalǵan gólf-klýbty 2017 jyly Qazaqstannyń Tuńǵysh Prezıdenti Nursultan Nazarbaev ashqan. Nysan quramyna 18 shuńqyrly gólf alańy, qonaqúı, SPA jáne klýb-haýs kiredi. Joba 19,4 mıllıard teńgege salynǵan.
Qazirgi tańda QazaqGaz bul aktıvti satýǵa tyrysyp jatyr. Alaıda klýbty satý jónindegi saýda 6 ret sátsiz aıaqtalǵan. «QazMunaıGaz-Servıs NS» kompanıasynyń jalǵyz aksıoneri — QazaqGaz, al QazaqGaz 100% «Samuryq-Qazyna» ulttyq ál-aýqat qoryna tıesili.
