Prezident Qasym-Jomart Toqaev Qazaqstan Respýblikasy Konstitýtsiiasynyń 30 jyldyǵyna arnalǵan «Konstitýtsiia jáne memlekettilik: quqyq pen bolashaq dialogy» atty ǵylymi-praktikalyq konferentsiiada sóz sóiledi,- dep habarlaidy Dalanews.kz
Memleket basshysy Konstitýtsiianyń elimizdiń táýelsizdigi men memlekettiliginiń negizgi tiregine ainalǵanyn atap ótti.
– Osydan 30 jyl buryn búkilhalyqtyq referendýmda Qazaqstan Respýblikasynyń Konstitýtsiiasy qabyldandy. Bul – egemen elimiz úshin tarihi sát boldy. Shyn máninde, Ata zańnan biik eshteńe joq. Konstitýtsiia – memlekettigimizdiń myzǵymas tuǵyry, Táýelsizdigimizdiń ainymas temirqazyǵy, – dedi Prezident.
Toqaev qazaq halqynyń quqyqtyq dástúrlerine de toqtaldy. Onyń aitýynsha, Qasym hannyń qasqa joly, Esim hannyń eski joly, Áz Táýkeniń «Jeti jarǵysy» – dala zańdarynyń jarqyn úlgileri, al qazirgi Konstitýtsiia sol tarihi sabaqtastyqtyń zańdy jalǵasy bolyp tabylady.
Prezident XX ǵasyr basyndaǵy qazaq ziialylarynyń quqyq salasyna qosqan úlesin, sondai-aq keńes zamanynda qalyptasqan zańgerler mektebin de atap ótti.
Konferentsiia barysynda eldiń quqyqtyq damýyndaǵy Konstitýtsiianyń róli jáne bolashaqqa qatysty basym baǵyttar talqylandy.
