Jahandy jailaǵan ekonomikalyq syn-qaterlerge qaramastan Qazaqstan men Qytai saýda-ekonomikalyq bailanystary aitarlyqtai damyp keledi. Qazaqstan Prezidenti Qasym-Jomart Toqaev qytailyq China Daily basylymynda jariialanǵan «Qazaqstan men Qytaidyń berik ári senimdi qarym-qatynasy - tabysty yntymaqtastyqtyń kepili» atty maqalasynda osylai dedi, dep habarlaidy Dalanews.kz.
Jahandy jailaǵan ekonomikalyq syn-qaterlerge qaramastan elderimizdiń saýda-ekonomikalyq bailanystary aitarlyqtai damyp keledi. 2024 jyly ekijaqty saýda-sattyq kólemi 44 milliard dollarǵa jetti.
"Bul – tarihi meje. Osylaisha, Qytai Qazaqstannyń eń iri saýda-ekonomikalyq seriktesi retinde pozitsiiasyn kúsheitti. 2005 jyldan beri qytailyq kásiporyndar Qazaqstanǵa 27 milliard dollardan astam investitsiia quidy. Búgingi tańda qytai kapitalynyń úlesi bar alty myńǵa jýyq kompaniia jumys isteidi. Olar elimizdiń tehnologiialyq turǵydan damýyna yqpal etip, ónerkásipti jańǵyrtý isinde mańyzdy ról atqarady", - deidi prezident.
Memleket basshysy Qazaqstan men Qytai – Uly Jibek Joly zamanynan beri bir-birimen bite qainasqan taǵdyrlas elder ekenin atap ótti.
"Qazir biz osy tamyrlastyqtyń negizinde jańa kúre joldar salýǵa kiristik. Prezident Si Tszinpinniń alǵash ret 2013 jyly Astanada jariialaǵan «Bir beldeý, bir jol» bastamasy tarihi yqpaldastyqtyń jarqyn mysaly sanalady", - deidi prezident.
