2025 jyldyń alǵashqy jartyjyldyǵynda Qazaqstanda avtonesieleý kólemi 1,2 trln teńgege jetti, dep habarlaidy Dalanews.kz.
"Osy kezeńde bankter avtonesie boiynsha 1,2 trln teńge nesie berdi (+53% jyldyq ósim), olardyń halyqqa berilgen jańa qaryzdardaǵy úlesi 8,8%-dan 13,2%-ǵa deiin ósti", – delingen QQQ taratqan 2025 jyldyń alǵashqy jartyjyldyǵyndaǵy Qazaqstan avtonesieleý naryǵyna arnalǵan sholýda.
Málimetke sáikes, bazalyq mólsherlemeniń kóterilýine bailanysty avtonesieler boiynsha ortasha mólsherleme jartyjyldyq qorytyndysy boiynsha sál ósip, 15,8% boldy. Degenmen bul kórsetkish 2024 jyldyń alǵashqy jartyjyldyǵyndaǵy 19,7%-dan aitarlyqtai tómen.
Sondai-aq avtonesieniń ortasha somasy jyl basynan beri 5,7%-ǵa ósip, 6,7 mln teńgege jetti. Bul ósim avtomobil baǵasynyń jyldyq eseppen 11,1%-ǵa qymbattaýymen bailanysty.
Ortasha ailyq tólem 110,7 myń teńge bolyp, ótken jylǵy deńgeiden 8,1%-ǵa tómendedi.
