Búgin, 29 tamyzda, Qazaqstan Respýblikasy Konstitýtsiialyq Sotynyń tóraiymy Elvira Ábilhasymqyzy Azimova Konstitýtsiianyń 30 jyldyǵyna arnalǵan ǵylymi-praktikalyq konferentsiiada sóz sóiledi, dep habarlaidy Dalanews.kz.
Onyń aitýynsha, Konstitýtsiialyq Sottyń basty mindeti – zańdar men ózge de normativtik-quqyqtyq aktilerdiń Konstitýtsiiaǵa sáikestigin tekserý. Bul ókilettikti azamattarmen qatar, Adam quqyqtary jónindegi ýákil men Bas prokýror da paidalana alady. Mundai múmkindik 2022 jylǵy konstitýtsiialyq reformadan keiin berilgen.
«2023 jylǵy qańtardan 2025 jylǵy tamyzǵa deiin Konstitýtsiialyq Sotqa azamattardan 11 myńnan astam ótinish tústi. Olardy qaraý barysynda 5 myńnan astam quqyqtyq norma zerdelenip, 400-den astam qaýly qabyldandy. Sonyń ishinde 74 sheshim Konstitýtsiiaǵa sáikestigin tekserýdiń nátijesinde qabyldanǵan qorytyndy qaýlylar bolyp tabylady», – dedi Elvira Azimova.
Konferentsiia barysynda Konstitýtsiialyq Sottyń qoǵamdaǵy róli men azamattardyń quqyqtaryn qorǵaýdaǵy mańyzy erekshe atap ótildi.
