SQO tabiǵat qorǵaý prokýratýrasymen esepke alynbaǵan jáne qorǵaýsyz qalǵan myńdaǵan gektar orman alqaptary anyqtaldy, dep habarlaidy Dalanews.kz.
Qadaǵalaý organymen orman sharýashylyǵy salasynda memlekettik orman qory quramyna engizilmegen orman alqaptaryn aýdarý sharalarynyń qabyldanbaýymen bailanysty zań buzýshylyqtar anyqtaldy.
Orman kodeksiniń 51-1-babyna sáikes ózge sanattaǵy jerlerdegi tabiǵi ósken ekpeler memlekettik orman qory quramyna engizilýge jatady.
Atalǵan normaǵa qaramastan, Soltústik Qazaqstan oblysy ákimdiginiń tabiǵi resýrstar basqarmasynyń laýazymdy tulǵalary jerlerdi aýdarý jáne esepke alynbaǵan orman alqaptaryna túgendeý júrgizý máselesinde aýdan ákimderimen tiisti úilestirýdi júzege asyrmaǵan.
Prokýrordyń talaby boiynsha júrgizilgen túgendeý nátijesinde Aiyrtaý, Esil, Jambyl, Qyzyljar, Mamliýt jáne Timiriazev aýdandarynda memlekettik orman qorynan tys qorǵaýsyz qalǵan 9 myń gektardan astam ormandy jerler anyqtaldy.
Prokýrorlyq qadaǵalaý aktisiniń negizinde ákimdikpen barlyq múddeli organdardyń qatysýymen komissiia qurylyp, anyqtalǵan ýchaskelerdi memlekettik orman qory quramyna engizý boiynsha naqty merzimder men jaýapty oryndaýshylardy belgileýmen Jol kartasy ázirlendi.
Komissiianyń qabyldaǵan sharalary nátijesinde Qyzyljar orman sharýashylyǵy quramyna 46,2 gektar ormandy jerler engizildi, qalǵan ýchaskeler boiynsha jumystar jalǵasýda.
Óz mindetterin tiisinshe oryndamaǵan 4 laýazymdy tulǵa tártiptik jaýaptylyqqa tartyldy.
Memlekettik orman qoryn keńeitý arqyly ekologiialyq jaǵdaidy jaqsartýdaǵy Memleket basshysynyń aiqyndaǵan memlekettik saiasattyń basymdyǵy ekenin eskere otyryp, jergilikti jáne ýákiletti organdardyń qyzmetin úilestirý maqsatynda is-sharalar ótkizildi.
