Elordanyń Baiqońyr aýdanynda QR Konstitýtsiiasynyń 30 jyldyǵyna orai Ǵumar Qarash kóshesinde jańa alleia turǵyndardyń igiligine berildi,- dep habarlaidy Dalanews.kz
Jalpy aýdany 1 700 sharshy metrdi quraityn alleia Sh.Imanbaeva kóshesinen Sh.Ýálihanov kóshesine deiingi aralyqty qamtidy.
Keshendi abattandyrý barysynda 1 500 sharshy metrge jýyq kespetas jáne 500 sharshy metrden asa asfalt jabyny tóseldi.
Turǵyndardyń jailylyǵy maqsatynda demalys oryndyqtary men qoqys jáshikteri ornatylyp, jaryqtandyrý júrgizildi.
Sonymen qatar, búgingi kúnge deiin osy aýmaqta asa ózekti máselelerdiń biri bolyp kelgen avtokólik joldary keńeitildi. Sondai-aq, avtoturaq alańyna qosymsha taǵy 40 kólik orny qosyldy.
Abattandyrý nátijesinde alleiaǵa irgeles ornalasqan №54 mekteptiń balalary úshin qaýipsiz jáne qolaily jaiaý júrginshiler joly qamtamasyz etildi.
Aita keteiik, biyl Astanada shamamen 170 aýla men qoǵamdyq keńistik (saiabaqtar, gúlzarlar, jelekjoldar) abattandyrylýda. Bul jumys qaladaǵy barlyq aýdandy, onyń ishinde turǵyn alaptardy da qamtidy. Búginde olardyń basym bóligi aiaqtaldy.
