ەلوردانىڭ بايقوڭىر اۋدانىندا ق ر كونستيتۋسياسىنىڭ 30 جىلدىعىنا وراي عۇمار قاراش كوشەسىندە جاڭا اللەيا تۇرعىنداردىڭ يگىلىگىنە بەرىلدى،- دەپ حابارلايدى Dalanews.kz
جالپى اۋدانى 1 700 شارشى مەتردى قۇرايتىن اللەيا ش.يمانبايەۆا كوشەسىنەن ش.ءۋاليحانوۆ كوشەسىنە دەيىنگى ارالىقتى قامتيدى.
كەشەندى اباتتاندىرۋ بارىسىندا 1 500 شارشى مەترگە جۋىق كەسپەتاس جانە 500 شارشى مەتردەن اسا اسفالت جابىنى توسەلدى.
تۇرعىنداردىڭ جايلىلىعى ماقساتىندا دەمالىس ورىندىقتارى مەن قوقىس جاشىكتەرى ورناتىلىپ، جارىقتاندىرۋ جۇرگىزىلدى.
سونىمەن قاتار، بۇگىنگى كۇنگە دەيىن وسى اۋماقتا اسا وزەكتى ماسەلەلەردىڭ ءبىرى بولىپ كەلگەن اۆتوكولىك جولدارى كەڭەيتىلدى. سونداي-اق، اۆتوتۇراق الاڭىنا قوسىمشا تاعى 40 كولىك ورنى قوسىلدى.
اباتتاندىرۋ ناتيجەسىندە اللەياعا ىرگەلەس ورنالاسقان №54 مەكتەپتىڭ بالالارى ءۇشىن ءقاۋىپسىز جانە قولايلى جاياۋ جۇرگىنشىلەر جولى قامتاماسىز ەتىلدى.
ايتا كەتەيىك، بيىل استانادا شامامەن 170 اۋلا مەن قوعامدىق كەڭىستىك (ساياباقتار، گۇلزارلار، جەلەكجولدار) اباتتاندىرىلۋدا. بۇل جۇمىس قالاداعى بارلىق اۋداندى، ونىڭ ىشىندە تۇرعىن الاپتاردى دا قامتيدى. بۇگىندە ولاردىڭ باسىم بولىگى اياقتالدى.
