Astana qalasynyń mamandandyrylǵan aýdanaralyq qylmystyq ister jónindegi soty memlekettik qorǵanys tapsyrysy salasyndaǵy qarajat jymqyrý deregi boiynsha rezonanstyq isti qaraýdy aiaqtady, dep habarlaidy Dalanews.kz.
Eske salaiyq, 2023 jyly Qarjylyq monitoring agenttigimen «Kazspetseksport» RMK-nyń laýazymdy tulǵalary men teris piǵyldy jetkizýshiler ustalyp, áskeri maqsattaǵy ónimderdi satyp alýǵa bólingen biýdjet qarajatyn jymqyrdy jáne sybailas jemqorlyq derekteri boiynsha aiyp taǵylǵan bolatyn.
Memleketke keltirilgen zalal 1,6 mlrd teńgeden asty.
Sot úkimimen «Kazspetseksport» RMK bas direktory Ramazanov A.K. 11 jylǵa bas bostandyǵynan aiyryldy, al kásiporynnyń departament direktory Kýdabaev A.T. – 10 jylǵa sottaldy. Qalǵan 9 aiyptalýshy da ártúrli merzimge bas bostandyǵynan aiyryldy.
Sonymen qatar, sot memleket paidasyna 1,6 mlrd teńge kólemindegi azamattyq talap-aryzdy qanaǵattandyryp, jalpy quny 607 mln teńge bolatyn múlikti tárkiledi.
Úkim zańdy kúshine engen joq.
